搞搞新意思

近排四圍搵緊其他比較user friendly啲o既部落格.
見好多都唔可以用自己心愛o既wallpaper,而被迫要用網站所提供o既layout.
我都幾鍾意呢個部落格,但係功能上都唔係咁理想.
有朋友話唔使錢o既嘢係咁上下o架喇.但我覺得可以再好啲.
例如相簿,雖然有個位可以選擇相簿,如果可以按照標題分類顯示而唔係顯示所有圖片就正喇.
可能我比較鍾意啲嘢分得整齊啩...
三個部落格真係太多喇...
我考慮緊將另一個中文部落格搬過o黎.搬之前搞搞新嘢,換咗個wallpaper.
心大心細,都唔知點算好...

老友...

我個老友真係個電腦白痴!佢尋日喺自己個部落格度發表咗一編向自己祝賀生日o既網誌.
點知其他人就睇唔到...終於都要"勞煩"我登入佢個部落格幫佢整返掂.
誰不知佢今日再寫新網誌時,唔知點解尋日嗰編唔見咗喎...
今次真係幫唔到佢喇.唔通再返寫咩...生日都過咗囉...
佢都只好認命囉!!!啋!大吉利是!!!舊o既唔走新o既又點o黎呀?!!好事o黎o既...
但係佢到今日至上我個部落格睇我寫俾佢o既生日網誌...遲咗啲喎...

生日快樂,老友!!!

今日是我老友的生日.在此祝她生日快樂!!!

為所慾為???

其實我已有兩個部落格...因為老友見我玩得咁開心,所以佢就上雅虎開咗個部落格.
老友好興奮地通知我佢終於有個部落格.但當我問佢要佢係部落格地址時,佢竟然話唔知點樣搵個地址俾我...
見佢喺電腦白痴一名,我唯有喺雅虎又開多個部落格,睇下個地址會係點,然後話返俾佢知佢個地址.(咁都得!!)
一個人有三個部落格可以點用???有何慾所為??我都唔知...
可能呢編網誌會係呢個部落格唯一,亦係最後一編網誌.