今日陪儍馬同啲舊同事食飯唱K.啱啱開完個迷你演唱會,喉嚨有啲痛.鬼咩...儍馬啲舊同事都唔係去唱歌o既...佢哋係咁不停同個K場自助餐摶命,食咗個幾鍾.而儍魚就求其食啲嘢,跟住死揸住支咪,乜嘢衛籣呀,泳兒呀,祖兒呀啲新舊歌一首接一首唱足兩個鍾.都不知幾過癮呀...冇人搶咪又冇人插歌.
呢幾日都不停有呢類飯局...打邊爐,放題,唱K,燒嘢食,飲茶,等等...搞到個胃就o黎頂唔順.跟住o黎緊十日仲有日本領事館,銀行,保險公司,大小飯局,購物,剪頭髮,拾行李,入箱等等...仲未計同奶奶食飯飲茶喎...都幾頭痛...仲要不時上網睇下有冇新靚盤,要記低交俾儍馬個新同事去幫我哋約時間,到時一到東京即刻可以去睇樓.除咗呢啲,當然仲要巡下部落格,回應下,留個言...好忙呀!!!
沒有留言:
發佈留言