為食貓

今日冇出街,天陰陰咁好舒服.見間中有太陽,就拎咗啲衫出去曬下.傻馬六點鍾收工返o黎,一入門口就話黑貓喺隔離個露台頂.傻魚順手洗埋啲黑色衫,傻馬就拎住部大機行出露台.傻魚伸個頭出去叫黑貓...

黑貓即刻跳咗上o黎行貓步...

傻魚見黑貓想同傻魚玩,就抱咗黑貓落地.擺晒啲衫入個洗衣機,傻魚就諗住行返入屋拎相機拍片...

點知黑貓跟埋入屋...仲四周圍探索...間屋好亂,真係失禮晒...

唔?!!好香喎...

喂喂!係咪有好嘢食呀?

原本唔想畀黑貓食,因為有調味料,但係見黑貓好似好想食咁,畀咗少少黑貓食...係鯛魚乾...

好味到呀...

冇喇?畀多嚿得唔得啫?

唔畀咁走囉...

快啲開門喇...

走喇~

但又好唔捨得添...
之後黑貓又跳返落隔離個露台頂度攤...冇幾耐開始落雨...黑貓又跳返上o黎...傻魚見落緊雨咪抱黑貓入屋囉...

一嘢就坐住阿加菲貓,仲勾咗加菲貓一條"毛"出o黎...心痛死傻馬!

繼續喇...唔好畀佢停呀~

做乜係咁閃貓啫...

都係呢個位正啲...

又想食嘢...真係為食...睇o黎傻魚要去入返啲貓貓小食旁下身至得...

冇嘢食,走喇~但係落緊雨喎...

好鬼香添o架...忍唔住喇...

唔畀咪自己o黎囉...

攞唔到,都係走喇...
傻魚見黑貓想走,咪抱黑貓出門口擺低囉.點知黑貓唔知點算咁,又走返入傻家.傻魚唯有抱黑貓落樓,放黑貓出街.結果黑貓唔係返屋企,而係走咗去逛街.傻魚跟住黑貓,見黑貓走咗去人哋個門口度避雨,咁傻魚咪返傻家囉.後來喺露台望到黑貓終於返屋企,咁都放心啲.其實傻魚應該抱住黑貓去撳屋主門鍾,但係傻魚又怕屋主唔鍾意,咪由得黑貓自己返去囉...

晚餐求其煮咗個意粉,但出奇地又幾好味喎...不過下次應該整唔返呢個水準...

飯後果~桃呀!!!擺咗一日就已經開始爛...下次應該買返o黎嗰日就食...好味呀!!!依家隻手都仲有桃香~正!!!傻馬話聽日再買喎.呵呵~

濛濛細雨

由尋晚開始係咁落雨,今日成日都濛濛細雨,好舒服!今日約咗朋友去南口食晏.又係唔記得帶相機,唯有用手提電話影...

食炸豬扒...但唔係香港都有分店嗰間.呢間好好味呀!!!手震濛咗添...
食完去行"東急手",然後落咗地下食品街...奶嘢喇...差啲買到停唔到手...之後行去西口,介紹朋友去捕平嘢.早得滯就梗係冇收穫喇...四點幾行返傻家,順便去超市買粟米...入到去又點會凈係買粟米就出到個門口呀?!!結果擺低二千円至甩到身...
同朋友講完再會就返傻家,諗住今晚煮意粉食...

買咗咁多包,食完都飽晒,仲使乜煮啫...其實仲有兩件喺影相之前已經食鬼咗...一人三件包,食完整咗個三絲魚翅湯畀傻馬食,然後煲粟米...今日買咗四條粟米,諗住一人一條都夠喇...點知傻馬話要食兩條喎...肚生蟲?咁是旦喇...一嘢煲晒去咪煩喇...食完飽到頂住個胃好唔舒服...

正話又拎埋啲櫻桃o黎食...好味~
同場加映:

今日去超市就係枱咗呢啲"石頭"返傻家...另外仲有支一公升汽水冇擺埋o黎影...重到對手就o黎斷...黃小箎,又到咗桃o既季節喇~黃少爺見到實狂流口水...呵呵~

黑貓

今日十二點幾喺廁所坐緊嗰陣,突然門鍾聲響...咁o既情況梗係唔應門喇...去完廁所走咗去露台望一望...咦?!!有部手提電話喺洗衣機腳喎...正話一定係有人想入o黎拾返個電話...諗住去門口拎對拖鞋去露台,點知聽到露台有啲聲喎...即刻不動聲色,坐返低靜觀其變...好似係撩嘢聲...傻魚冇開廉,所以見唔到...見靜晒就出去睇下,唔見咗部電話...傻魚諗咗好耐都諗唔到點樣可以拎返部電話...唔通擒入o黎???算喇...唔需要去考究...
講返啲開心嘢...尋日出街前見天色昏暗,走出露台整下個洗衣機套...見到...

睇下黑貓幾舒服...
正話五點幾出露台...

喂喂喂...黑貓!轉返過o黎畀個樣o黎睇下喇...等咗半個鍾都仲係同一個姿態...算!

今朝終於捨得開o黎食喇...甜咗啲...不過都幾好味...

晚餐又燒魚...搞到成頭煙...個燒魚網...就o黎香...燒多一兩次魚可以送畀垃圾用...
呢排成日都見到黑貓,出街仲會"順手"摸下黑貓...有時傻馬放工返o黎見到黑貓,會摸完黑貓至返傻家...聽日出街,唔知會唔會見到黑貓呢?好期待...