食炸豬扒...但唔係香港都有分店嗰間.呢間好好味呀!!!手震濛咗添...
食完去行"東急手",然後落咗地下食品街...奶嘢喇...差啲買到停唔到手...之後行去西口,介紹朋友去捕平嘢.早得滯就梗係冇收穫喇...四點幾行返傻家,順便去超市買粟米...入到去又點會凈係買粟米就出到個門口呀?!!結果擺低二千円至甩到身...
同朋友講完再會就返傻家,諗住今晚煮意粉食...
買咗咁多包,食完都飽晒,仲使乜煮啫...其實仲有兩件喺影相之前已經食鬼咗...一人三件包,食完整咗個三絲魚翅湯畀傻馬食,然後煲粟米...今日買咗四條粟米,諗住一人一條都夠喇...點知傻馬話要食兩條喎...肚生蟲?咁是旦喇...一嘢煲晒去咪煩喇...食完飽到頂住個胃好唔舒服...
正話又拎埋啲櫻桃o黎食...好味~
同場加映:
今日去超市就係枱咗呢啲"石頭"返傻家...另外仲有支一公升汽水冇擺埋o黎影...重到對手就o黎斷...黃小箎,又到咗桃o既季節喇~黃少爺見到實狂流口水...呵呵~
沒有留言:
發佈留言