流啡

之前仲好地地，只係大得慢。前晚流咗少少啡，諗住只係太操勞。尋日見冇再流，諗住冇事。點知尋晚出去車站接老公，去買啲嘢順便食埋晚飯，返到屋企熨埋啲衫。之後去小便又見到流啡，仲多過前晚。心知不妙，今朝走咗去睇醫生。照咗好耐，照唔到心跳，個胎仲要細過上次。真係想喊！之後轉介到大醫院照多次，個醫生又話好似見到有心跳，但個胎太細。宜家應該有十四週，但個胎得八週幾大。今次可能唔得。好灰呀！因為唔可以好肯定係冇咗心跳，所以下個星期要再去照多次。如果真係冇咗心跳，就要做人工流產。亦有可能喺下星期前會大出血，好似月經咁，咁就要即刻入院。醫生叫我準備隨時入院，嚇死我喇！BB，你好曳呀！要媽媽受苦，又嚇死媽媽！你唔乖，唔肯大！你唔要媽媽，媽媽唔鍚你喇！觀音大史，可唔可以唔好帶走BB呀？契麻麻，保佑BB健康出世，可以嗎？婆婆，你要睇住你個乖孫同曾孫呀！