道別

上一次走嗰陣,因為一啲事搞到傻魚喊住離開傻家,仲連人帶行李碌咗落樓梯...上咗黃太架車一路喊到去機場,停咗半個鍾,打咗個電話畀老友,跟住講講下又開始喊.臨上機之前仲喊住打畀傻妹傻細妹同傻細佬,叫佢哋睇住傻爸,得閒多啲陪下傻爸.上到機,忍住唔喊,費時嚇親其他人嘛...返到屋企,梗係又狂喊喇...

今次...今朝,唔敢同傻爸講咁多嘢.只係叫傻爸唔好再亂食嘢同唔好食咁多.傻爸陪傻魚等咗半個鍾,幾經辛苦至等到傻細妹夫o黎載傻魚.臨走凈係講咗句:"走喇~返到屋企會打電話返o黎."跟住就頭都唔敢回咁離開傻家.不嬲都唔鍾意道別,次次都會喊到豬頭咁...今晚返到屋企,傻馬又唔喺度,實喊到好攰瞓著都似...依家...忍住忍住...唔講喇...就o黎收唔到制...