o黎到澳門又點可以唔食翅呀?傻馬唔知喺邊度問邊個得知一間專食翅o既舖仔.兩個月前去過一次,傻馬係咁猛話好味.
上次傻馬就係叫咗呢個翅.好好味~不過經過傻馬狂加浙醋胡椒粉麻油之後...就只得傻馬一個覺好味...唉~
傻魚之前食呢個.真係好好味~
今晚傻馬同傻魚都叫咗同一款.好足料o架!落少少胡椒粉同麻油,好正~依家諗起都流晒口水...
呢間舖仔就係得呢幾樣嘢食.係由兩公婆携手經營,老板主外,老板娘主內.間舖仔係喺啲唔顯眼o既巷仔度,得嗰四五張枱仔.間舖雖然不至於成日滿座,但係就冇見過冇客o既情況.落單唔會聽到老板嗌個食物名,只係會用價錢做代號.所以今次傻魚懶醒咁同老板講要兩個三十八堂食,幾鬼型呀!咔咔咔~間嘢喺大山巴附近,唔識路都幾難搵o架...鍾意食翅o既朋友,去試下喇...
添發碗仔翅美食 澳門福隆新街十八號地下 (六六五零八二一一)
沒有留言:
發佈留言