"出油"喇~北陸之旅(第一話)

話咁快又到年尾,傻馬又開始放年假喇.有五日假,傻馬又點會肯留守傻家吽霉菌呀?!!由於今次決定得比較遲,所以所有指定席都爆晒.唯有早啲出門口去排自由席囉...
一朝早五點幾起身,六點半出門口;搭"綠色線"去新宿轉"橙色線"去東京,再轉新幹線...

第一程新幹線o既自由席雖然打晒蛇餅,但係都好彩有位坐.去到越後湯沢轉第二程特急o既時候就冇咁好彩,企咗個幾鍾,到前一個站至有位坐.傻馬就不停咁話唔低,買貴咗張車飛,咦咦哦哦咁...唔買都買咗囉,可以點啫?咪開開心心咁去玩囉...傻魚都冇傻馬咁好氣,有位坐就"大昏迷".呵呵~

中途因為有段電車路啲電線有問題要"勁"慢駛,所以班車遲咗廿二分鍾至到達今次"出油"o既第一站...

見到白魚仔,即刻買咗兩條o黎食.

第一時間拎啲行李去酒店擺低先.

跟住諗住去食個晏,但係見啲電車班次少,所以買咗個便当就沖咗上車.

去到越中八尾

喺個車站大堂食埋個便当至去等巴士.點知....原來啲巴士喺尋日開始放假,放到三號喎...吹脹~売店嬸嬸見有兩條傻嘢企喺個巴士站度,好好人咁行過o黎話畀傻魚知,然後仲畀埋地圖教埋點行路去.

傻馬開頭諗住搭一千円的士去,但係傻魚就話徒步半個鍾路程不如行過去喇.

沿途又可以睇下嘢,影下相...

睇落似公廁...

其實係銀行提款機.

由於傻魚帶路,早咗一個路口轉入去,差啲就做咗"羔羊"...好在傻魚都叫做有方向感,轉啱條路,再問下人...

最終都順利去到目的地.

o黎喇...

奪命斜!!!

翠華?!!

電器舖...

蘿蔔人~

青蛙呀!!!

一點九開始行,行到五點鍾返到越中八尾...真係攰到一上車就"暈"鬼咗.返到富山,先去便利店行兩轉,買咗啲零食同詌品.跟住傻馬問傻魚想食乜...又問傻魚?次次問親傻魚之後一定唔會去傻魚講嗰間,今次都唔例外...所以傻馬,下次唔好再問傻魚喇.再問傻魚都唔會再答...

食完返酒店攞房,上到房即刻開電視...

今日六點半有"レコード大賞"睇,又點可以錯過呢?

好喇...去沖個靚涼然後攤喺度睇電視先...