今日原本約咗傻馬姨喺千葉食晏,點知一早接到傻馬姨電話話個頭好痛,叫傻魚直接上傻馬姨屋企食.去傻馬姨屋企路程需時兩個幾鍾,去完返o黎都唔知幾點,所以乍乍林洗咗機衫,然後去銀行幫傻馬問嘢,跟住去埋区役所至暈車去傻馬姨屋企.去到都成點鍾...擺低奶奶要傻魚帶畀傻馬姨o既海味,等咗一陣就有嘢食喇.原本諗住請傻馬姨出街食飯,結果變咗喺傻馬姨屋企食即食麵...食完傾咗一陣,傻馬姨又叫傻魚抬啲嘢返傻家...次次搵親傻馬姨都又食又拎...今次拎咗三把傘,一個瓦煲仔,同兩條蒸粟米.
轉咗三次車,返到傻家附近買咗包沙律菜.今晚又烤雞,諗住搵啲菜仔食下.突然諗起冰箱仲有包帶子,傻馬唔會整o黎食,等到下次傻魚返o黎包帶子可能已經變咗化石...諗起前幾日喺電視見到啲人擺啲帶子同啲米一齊煲...
又學下人整咗個帶子飯.好好味呀~下次整畀傻馬食先...啲雞皮烤得好脆,超正!但係啲菜超苦...傻魚係條唔嘥嘢o既魚,唯有落多啲沙律醬狂吞囉...唔怪之得咁平喇...聽晚有人請食飯,希望唔會又放炮喇...有人請,梗係食鰻魚喇~呵呵呵~
沒有留言:
發佈留言