給親愛的蝸牛小姐與齋老味

生日快樂~

今個月身邊真係好多人生日,包括埋傻魚.今日係朋友蝸牛小姐同網友傻豬媽個乖仔齋老味o既生日.梗係要做返啲嘢喇~

同蝸牛小姐係因工作上認識,都差唔多五年喇.當年傻魚係供應商,而蝸牛小姐係客,一個月見一次唔係咁熟.真正開始可以用"朋友"o黎形容係喺傻魚辭咗工之後,間唔中相約某舊同事食飯都會搵埋蝸牛小姐而慢慢熟絡.前年仲試過同蝸牛小姐一齊去東京住同一間房.後來有一次食飯講起生日至知原來大家係同年,生日仲要係相差兩日咁近...呢啲咪緣份囉.蝸牛小姐之前因與拍拖多年o既男友分手,再加上工作不如意而搞到身心都有病.真係見到都難過.好在過咗咁耐,都總算叫冇事喇.時間真係最好o既良藥.在此祝蝸牛小姐身心健康,事業有成,早日覓得如意郎君,在股市旗開得勝~

齋老味,你知唔知你有幾幸福呀?你有個好愛鍚你o既傻豬媽...當然仲有個傻豬爸喇~(?唔會畀人打啩...).大個仔要好好孝順佢"兩老"呀!如果唔係傻魚"姐姐"會打你屁股o架...(懶熟咁...人哋齋老味都唔識邊條傻魚"姐姐"...)喺度祝齋老味身心健康,快高長大,乖巧聽話,聰敏精靈,萬千寵愛在一身.傻豬媽,有冇打算整多件陪下齋老味呀?