一個人的晚餐

返咗香港成個月,一餐飯都冇煮過...做少奶奶,想食乜開句聲就有"專人"煮埋畀傻魚食,再唔係就有"專人"買畀傻魚食...幾鬼幸福呀!!!

今日奶奶有飯局,老爺又出咗街,傻魚仍然閉關中...晚餐食乜好?外賣?加咗價,唔多想叫外賣...諗起之前喺成田空港買o既...

奶奶唔喺度,自己煮囉.唔多識用奶奶個新飯煲仔,幾驚落唔夠水呀...好在都冇事,唔係生飯...

超級好味~

喺雪櫃見到包豆苗,擺咗兩三日...又見到有啲菇菇喎...諗起奶奶之前極力推介"加落"新出o既超濃縮雞湯...

傻魚食得清淡,唔使落鹽都好夠味,食完又唔會口乾...唔錯唔錯~好似仲有豬骨湯同魚湯,下次試下先.下個月返東京前入定貨都好喎...呵呵~