阿四回歸

返咗o黎第二日...都唔知做乜好...都唔知啲嘢要點執好...好愁呀!!!唔理喇...吸咗塵先...嘩~張枱布好污漕呀...聽日拎張枱布去洗,順便洗埋啲廁所地毯仔,抺腳布...啲書多到都唔知擺去邊好...唉~求其堆埋喺枱底先喇...咦?!!今日星期二喎...超市有平嘢執,仲有九五折喎...睇下雪櫃有啲乜,然後又去入貨先...
去到又係唔知買啲乜好...諗起傻家仲有半支泡菜鍋湯料,整埋食好喎...見春菊平,買...燒豆腐都平,買!鰹魚平喎...買!黃椒平...要o黎整乜呢?唔理喇...買咗先...雞鎚平喎...又買咗先...唔覺唔覺,買下買下又一堆...返到傻家執下個雪櫃...好在都唔爆...

咁又一餐...咁又一日喇...好似好忙咁...但係做過乜?執屋煮飯洗廁所?阿四其實都真係好忙o架!!!
同場加映:

今日買o既青森蘋果,菠蘿,黃椒,牛油果,南瓜,提子...啲柚子係屋主喺個幾月前送畀傻馬食o既...傻馬話苦,所以食咗一個之後就冇再食...結果係,傻魚搣埋啲衣至畀傻馬食,咁咪唔苦囉...唉~阿四真係難做...