愚人節

記得以前小學時期,每年o既愚人節最忙係訓導主任同校長室.呃到同學仔去見訓導主任或校長,嗰日就會好滿足好開心.阿校長仲搞笑...每年呢一日早會之後都唔知走咗去邊,派阿副校長坐喺校長室應付啲"受害者".諗起每年呢日副校長喺放學嗰時個樣就覺得好好笑.結果每年呢一日最大o既受害者係副校長...
到咗中學,可能啲思想開始複雜,諗出o黎o既嘢恐怖好多...試過有同學畀人呃咗去"行刺"老師,又試過有一單好嚴重o既就係有同學畀人呃咗去"自殺"...好在之後都冇事,但係個心就好寒囉...漸漸地,傻魚越來越唔鍾意呢一日...
最令傻魚傷心o既係,哥哥揀咗呢日走...從此,愚人節不再開心,不再好玩...今日傻魚聽住哥哥啲歌,喊咗幾個鍾...今日完全提不起勁做任何事...咁o既情況仲邊有心機煮飯...

一煲咖哩搞掂...