洗執吸

返咗o黎咁耐,都仲係不停咁洗,不停咁執,不停咁吸...鬼咩...懶到死o既傻魚尋日洗啲,今日執啲,聽日吸啲咁...望住啲嘢,硬係唔願死去做...依家係,見到咪做,見唔到咪當唔知囉...咁搞法都唔知傻家幾時至可以變返青靚白凈...不過唔使好耐,傻魚應該會頂唔順死死氣一嘢搞掂佢...
今日冇去街,洗完機衫晾完之後就做死魚攤咗喺度...見個地毯有啲塵,就係咁以吸下塵就算.打開個雪櫃...好污漕下喎...算喇...過兩日先喇...(呢句嘢講咗個幾星期...)上下網先...部機封咗塵喎...又係咁以掃下先...順手掃埋個電視...廁所...聽日至洗...(汗)哎~近排就係咁...
晚餐...今日心情靚(冇原因,唔知點解),屎忽痕搵啲嘢搞下先...啲蘋果買咗咁耐都未食,個菠蘿切咗傻馬又唔記得食喎...

切晒粒粒整沙律!材料有...青森新富士蘋果,番茄,牛油果,柚子同黑椒雞扒.撈呢個柚子蛋黃醬,好好味呀!!!不過綠色少咗啲,唔夠靚添...食到一半至發覺唔記得落菠蘿喎...搞錯!!!

咁又一餐喇...呵呵!