懶蟲繼續發功

今日諗住去行下街,逛逛好耐冇去o既東急手...點知啲懶蟲仲唔捨得走,傻魚就咁喺張凳度"磨爛席"...懶蟲黐咗喺條懶根度,整極都整唔走.是旦喇...又唔係有乜緊要嘢要買,聽日至去囉...
坐喺度遊遊下魂,開始諗今晚食乜好...星期二,又係超市o既感謝日有折.望下雪櫃頂嗰兩盒海南雞湯,不如整海南雞飯喇...又簡單又快.拖住條懶蟲驅車去入貨,遊緊魂買咗一堆嘢就走...結果餐飯...

搞成咁...唔記得買青瓜同紅蘿蔔醃醋,又唔記得買小松菜伴碟...個海南雞飯醜樣到呀...算!仲有一盒湯,下次再o黎過~