感冒

傻魚尋晚食完餐泰國嘢之後就開始喉嚨痛...痛到依家都仲未好返...聽日要煲返啲清熱湯水飲下至得...傻魚應該係發熱氣.咁邊個感冒?唔係傻馬喎...係墨西哥啲豬...豬仔感冒,但人死咗...繼沙士,禽流感,瘋牛症之後,呢次豬瘟唔知又會搞到幾大件事呢?好在傻魚都唔多食豬肉啫...
今晚餐飯啲餸全部細細碟...

左上角嗰幾粒唔係蛋o黎o架...係豆腐.開嗰陣傻魚已經好小心,但係都整爛咗一個...之前傻馬買咗一支要o黎食生椰菜o既汁,但係就一次都冇用過...前幾日買餸嗰陣買咗半個椰菜,今日就開咗佢o黎試下.都係牛角嗰個椰菜好味啲...個鹵水豆腐好咸...可能係啲豆腐太吸味啩...聽日加返少少水,鹵啲雞翼o黎食下先...呵呵~