購物日

今日終於的起心肝出去買清潔用具...落雨喎...驅唔到車,漫步去都幾寫意...先去一百円店...逐吋行,行咗個幾鍾,買咗一堆嘢,包括要o黎清潔浴室同微波爐o既海綿.然後落樓下買零食...唔...麻麻地咁心水,買咗兩樣就算.之後行去藥房諗住買漱口水...點知睇睇下嘢,畀啲零食吸咗過去...漱口水?冇咗回事喇...零食就買咗一堆...結果夜晚食食下飯至諗起...

今晚再接再厲~材料有青森新富士蘋果,番茄,菠蘿,柚子同水菜.都係撈柚子蛋黃醬.好靚,好好味呀!

傻馬又話唔想食飯,所以煮魚湯螺絲粉.傻魚前日整咗個溫泉蛋,今日開o黎食...好在都成功...傻馬就...狂加辣椒油,胡椒粉,麻油...唉~整得幾好味都冇用喇...傻馬都唔識欣賞...