焗多士!!!夜晚煮飯嗰陣順手切定啲黃椒青椒同黑椒雞扒,第二朝就咁擺上嚿方包度加芝士去焗就搞掂喇~
早餐其實傻魚鍾意食粥,但係傻馬就話:「咁熱有排食,咪遲到囉...」啤~!!!咁搞法,奶奶上次買畀傻魚帶過o黎o既菜乾同蠔豉要食到幾時至食得完?!!之前有諗過買包細細包o既泰國香米要o黎煲粥...不過諗諗下都係算喇...買咗都唔知幾時至食,擺到生晒米蟲咪仲弊...
呢幾日咁早起身,又要做家務...雖然一日做啲,但係都好多嘢做...凈係對付啲幾尺厚o既塵都想死呀!仲未計日日望住堆書諗擺邊好,個頭就o黎痛爆...結果堆書仲係原封不動咁"坐"咗喺張矮抬底度封塵...唉~阿傻馬哥,幾時賣書呀?
今朝傻馬見到傻魚個死樣,話今晚唔想食飯...傻魚見雪櫃有番茄,櫃底又有罐頭番茄同午餐肉喎...
簡簡單單又一餐...最緊要係清咁啲貨...真係唔係講笑...如何大吉利是被活埋或突然戒嚴出唔到去,傻家啲貨肯定夠食個幾月...多到咁...恐怖...
沒有留言:
發佈留言