2009年花見(一)九段下加淺草

今年終於趕得切返o黎花見...第一站係去九段下千鳥ケ淵睇滿開o既桜花...

好靚呀!

咁啱今日係帝國大學o既入學式,所以畀啲"睇花團"同"觀禮團"搞到水洩不通...

真係多人到...

滿開呀~

人頭涌涌...

要逐吋逐吋咁行,間唔中仲會畀人推住行...

真係太靚喇~

靚o既嘢仲係好短暫...
行咗三個鍾,終於行完.下一站係淺草隅田川...去到淺草嗰陣好肚餓.醫咗肚先...

想食好耐o既淺草名物,有百幾二百年歷史o既天麩羅老舖...除咗間舖老,啲員工都...

妤好味呀!!!兩條友食咗二千七百幾...傻馬覺貴,但係傻魚覺得值!食飽又要開始花見喇...

呢度都好多人...

又話今日天陰,可能有一兩陣雨o既...睇下個天幾藍!曬到傻魚死呀!

好多人喺度"野餐"呀!

瞓埋添...

好靚~

得意~

與藍天白雲相映成趣...

真係好好天...但係咁樣啲桜花會謝得快...

行行下見到架咁得意o既觀光巴士仔...

隅田川上有好多唔同o既渡輪同船仔...呢啲船仔係水上餐廳仔o黎o架...

有啲人租船由川中遊覽川邊桜花...應該會好靚...

由列車望出o黎o既景都應該唔錯...啲電車每次經過呢度都會慢駛...
睇完桜花就喺淺草周圍行下.傻馬喺東京住咗咁耐,都未正正式式行過淺草啲橫街...行街,傻魚梗係又有收穫喇!呵呵~

喺仲見通買o既炸饅頭...熱食好味,所以即刻食咗兩個,"質"傻馬食咗個...返到傻家即刻食埋其餘三個,飽晒~晚餐求其整咗個咸湯闊烏冬食就算...

唔知仲有幾多日睇呢?