東海信越之旅@立山黒部

成晚冇瞓,神早五點三出門口.傻馬突然話趕唔切搭電車,開始跑...傻魚可以點?咪唯有跟埋一齊跑囉...咁就出事喇...跑跑下條氣扯住扯住抖唔到氣,突然眼前一黑,雙腿差啲跪低...死喇死喇!即刻停跑慢行...傻馬停低望返轉頭見到傻魚成面青晒,跟住望一望個錶話慢慢行應該都趕得切o既...去到月台企咗一陣條氣仲係扯住扯住...就係咁,傻魚一朝早就畀人放晒啲電喇...五點半上到電車搵個位坐低瞌下,六點一到東京駅.一早定叫傻馬記住點行去集合地點,結果都係要傻魚帶路...點做嘢o架?!!去到已經見到有好多人喺度等...冇錯!今次唔自由行,選擇跟團去.報完到就去買嘢飲.阿領隊哥哥問訂唔訂午餐個便当,仲話午餐要買定,因為上到山冇嘢食喎...個便当係牛肉,冇傻魚份...

搭六點五十分o既新幹線.上到月台買埋個便当至上車,開車之後覺得好肚餓添...

等個車內販賣姐姐,買咗份三文治食.好好味呀~食完瞓陣先...

兩個鍾頭之後o黎到呢度轉旅遊巴...個導遊嬸嬸喺架巴士度不停咁講嘢,搞到傻魚冇覺好瞓...

瞓瞓下突然札醒,見到咁靚o既菜花田,即刻摷部相機出o黎影...好在都仲趕得切影到啫...

十點半,個個都拎個便当出o黎食...傻馬個便当...

傻魚個便当.點解咁早食?因為阿領隊哥哥話一陣會趕車同睇景,可能冇時間食喎...

十一點幾到呢度...

又轉車...

搭呢架電巴士...

o黎到呢度...

傻魚諗住周圍行下,但係傻馬就想由個"星星"度行上去個"太陽"度喎...嗰度係個展望台,上到上面需時廿幾分鍾...

成二百幾級超斜梯級,簡單擺傻魚命!行咗廿幾級,傻魚條氣已經扯到抖唔到氣,唯有坐埋一邊等傻馬一條友上去囉...

上面有乜睇?

咪係睇呢個喺日本好出名o既"黒部水壩"囉.當初起呢個水壩嗰陣仲死咗好多人,早排拍咗部電影"黒部之太陽",記錄返當時啲辛酸事跡.

傻馬落返o黎搵埋傻魚一齊行過另一邊...喺水壩上面望出去o既景色,好靚!

都唔係好高啫...點解傻魚會好似有高山症咁o既?

行去另一邊,十二點四集合...

入閘聽阿叔叔講解之後o既行程...得嗰十一,二度.冇風o既話一啲都唔凍o架~

好斜呀...架車...

七分鍾車程,全程喺個隧道裡面冇景睇...

就係搭呢架纜車o黎呢度...

有半個鍾...出去周圍行下先...

好靚呀~

一陣就係要過去對面嗰嚿嘢度...

好好天,冇風,所以一啲都唔凍...肚餓添...

可能蒸得耐,個皮黐牙...

冇錯!係搭吊車...

對頭車都好爆下...

車上風景,勁靚呀!!!

正話喺對面出發,越來越細喇...

好在冇霧啫...

傻馬話恐怖...傻馬應該返香港搭下三六零...

o黎到呢度...

再轉呢架電巴士...

o黎呢度...做乜?

嘩~就係呢度喇~

傻魚就係想o黎呢度好耐...

有兩個鍾自由時間,由好多人行到冇晒人...

佢哋就係"開路功臣",大家畀啲掌聲多謝佢哋喇~

見仲有時間,傻馬一條友上展望台睇景...

個展望台超大...

真係好靚...行咗兩個幾鍾,等到四點幾至搭到架巴士落山...聽阿領隊哥哥講,尋日啲人等咗三個幾鍾至搭到架巴士...鬼咩...呢度前日至開始開放畀人行,梗係多人喇...上到巴士...

四十幾分鍾車程,全部雪景...

o黎到呢度,又要等個幾鍾...冇計...今日係星期日,太多人喇...

六點半終於上到纜車,可以落山喇...

天都黑埋...

七分鍾車程落到山腳,架旅遊巴已經喺度等埋.上到旅遊巴,導遊嬸嬸話佢自己都去完觀光...搞笑...

八點鍾到酒店...呢間酒店都幾大下...

間房都好大...仲大過傻家...(汗)

可惜冇浴室...

好鬼肚餓!!!擺低啲嘢之後就沖咗上去搵食...

呢個飯好味,成兜食晒...

呢個湯...傻馬話似奶奶煲嗰啲涼茶喎...傻魚即刻成碗推畀傻馬...今餐食得好飽,啲炸白蝦食唔晒剩返一半...
今日由天濛光玩到天黑,加上傻魚一朝早就得返半條命...等到十點鍾冇咁多人至去大浴場沖涼...沖完涼都係早啲瞓,聽朝六點三起身呀~