今朝又係自助餐...傻馬碟嘢...
傻魚見有粥,整返碗先...
食完返房攤咗一陣,然後拎埋啲行李去退房.八點半準時開車,先去另一間酒店載埋其他團友...今日天氣預測係...落雨...開車嗰陣落緊...細細雨仲可以接受o既...
半個鍾之後o黎到...停咗雨喎...又係影團體相搵錢時間...傻馬拉住傻魚走人...
橫掂都唔會買,唔影喇...早啲去行下咪仲好...呢度好多呢啲舊行...落完雨濕濕...
嘩~好似好好味咁喎...
北海道?點解唔用返本地嘢呀?
守護神...
第一站,行返個朝市先...
好多漬物...
正喎...買返杯飛驒牛乳布甸先...吓?冇貨?!!搞錯呀!!!
算!退而求其次,整返杯飛驒牛乳加雪糕先...心理作用,定係因為真係好新鮮?好鬼好味呀!如果唔係啲早餐仲未消化,一定整多兩杯...
好多物產店...
一朝早好多遊客...
菜心?係咪菜心呀?好鬼想買呀!!!可惜仲有成日至返到傻家,冇理由揸住札菜周圍走o架...唯有放棄...
周圍都見到呢隻紅鬼...
好多人都停低影相...
可以就自己個人口味溝返支七味粉...不過傻馬唔使喎...
朝市喺河邊...
花草都有得買...不過啲人影相多過買...
呢間嘢都幾忙下...一大朝早好多人買啤酒飲...
長腳
長手...兩個係最佳拍擋.
下一站,向駅進發~
國家文化財產喎...
梗係要睇下喇...
行行下,傻魚搞肚要搵廁所...
呢間寺裡面有公廁...
傻馬去影相,傻魚去擺低幾兩...
幾靚~
間公廁都好靚...又大又乾淨...傻魚去完到傻馬,然後繼續行...
好多酒賣...
o黎到喇...
入去觀光案內所望下先...
傻馬見到呢架巴士,即刻追住o黎影...
尋日去唔到便利店,心有不甘,所以今日一見便利店就走入去...
連便利店都賣物產,幫襯下囉...
好想買...但係咁重,拎住行都幾係嘢...算喇...
好多呢啲石像...
搵下路先...
方形o既...
呢間係醫院...
好大條魚喎...
名人...
終於都趕到去另一個朝市...呢個朝市收十二點...o黎到已經十一點幾...
迷你街市咁...
要畀錢入去睇o既陣屋...冇時間,唔睇...
o黎呢度o既目的...到咗條旧街附近...
又有銅像...
到喇~好鬼多人...
等咗好耐啲人至行開,可以影到相...
今日唔包午餐,又冇便当可以預訂...因為呢度好多食店,所以食自己...唔係剩返好多時間,見到呢間好似幾好味咁...即入...
好肚餓...
傻馬個飛驒牛扒,二千六百円.傻馬一聽個價錢就話要嗌啲平啲o既...傻馬都真係傻o既...傻魚話,一場o黎到都唔食,唔通返東京搵o黎食咩?試下喇...o黎遊行喇嘛...係咪?傻馬話好好味,係值o既~
傻魚個炸豬扒,好好味呀!!!係傻魚食過最好味o既炸豬扒!即叫即炸,入口一啲都唔油膩.諗起都想再食!!!一千六百円,值呀!!!
乍乍林食飽繼續行...
去到第二條街.呢條至係最古老o既街...又叫小京都...
今日好多台灣人...
啲台灣人都幾鍾意企喺條街中間傾偈...
冇時間,唔入喇...
乜嘢係朴包呀?好飽,冇試...
真係好多酒賣...
快步行埋條街,見仲有十五分鍾,即刻行返架旅遊巴度...
去埋個廁所就上車.未夠鍾就齊人可以開車喇...
由於太多相o既關係,下半日就開多一篇o黎寫...所以...待續...
沒有留言:
發佈留言