就係善光寺...去到落緊雨...仲要係話場雨應該唔會停喎...都係嗰句,細細雨都仲可以...
啲雨好似細咗...
二號駐車場喺個寺後面...停滿旅遊巴...啲人一落車,就會有個寺o既導遊拎住一堆頸帶一人派一條.因為有啲團友冇帶傘,所以要等人送傘o黎...
後面冇乜人,但係前面就勁多人...
越落越大添...
善光寺好大...今年仲要係七年一度o既御開帳,擺咗條大木出o黎畀人摸...呢條木係要順時鍾摸晒四面,咁就會求嗰樣得嗰樣.傻魚唔蝕底,排隊摸下先...而傻馬就話唔知真定假,唔摸喎...真係有其母必有其子...兩母子都鍾意喺寺廟度大言不慚...咁搞法,真係食成世齋諗成世經都積唔返啲福...不過後來傻馬見人少少都走咗去摸...傻馬真係要學下收下把口,積下口德至得.
個導遊帶住成團人除鞋入咗寺裡面一間房仔,大家坐低聽導遊講下間寺o既歷史.講到最尾,個導遊一人派一個信封,畀啲想祈福o既人寫低啲資料同入錢,到時到候就會有人為呢啲人頌經祈福.身為"外人"o既傻魚同傻馬就梗係畀返個吉信封導遊喇.其他團友就差唔多個個或家家都寫一封.聽完嘢之後就行返出間房仔,然後經過有個位有個"和尚"拎住兩餅用布包住o既鐡塊,遂個人頭印一下.然後就行返出去著返鞋,自由時間...
小暴雨加狂風呀~
避下雨,順便買返啲手信先...
除厄...
喺塊"絵馬"度寫低個名同年齡,然後整走個厄字之後掛喺度...
簽喎...
各式各樣...
喺日本第一次見到咁多唔同o既簽...
多得滯,唔知抽邊隻好...都係唔抽喇...行返出去睇下有乜仲好...
寫明唔可以飲...
呢度應該仲大過明治神宮...
諗住己經離開咗間寺...
原來仲喺個寺o既範圍內...
好多佛像...
終於出咗間寺,側邊有間嘢裡面有隻牛...咁下年咪會變咗隻老虎?!!
好多舖,乜都有...
乜咁早關門o架...五點咋...
八味粉?買支試下先...
好鬼想買擺喺最高嗰層中間嗰個桜花酒...因為太多嘢要拎,所以放棄咗...
附近有間寺仔都放支木出o黎...
饑寒交迫,買啲嘢食下先...
蘋果味...甜甜地...都係咸o既好味...
出埋呢個"門"先至係真正離開間寺...
出面呢間都好似同個寺有關o既...
望返轉頭...
都仲見到好多佛像...
出面呢條街,傻魚實在太鍾意喇...有啲似自由ヶ丘...
住喺度o既話傻魚會日日出o黎行一轉...
返轉頭...啲舖開始收...
落雨濕濕,再加上大風好凍,冇心機睇嘢...
啲雨一啲都冇停o既跡象...啲風係凍到入骨...
冇晒人添...
行返二號停車場,上旅遊巴擺低啲嘢,然後去個廁所先...啲公公婆婆阿伯阿嬸差唔多上晒車...唔夠六點鍾就已經齊人可以開車...唔使半個鍾,又落車...食飯時間...
今晚嗰餐唔包,但係傻魚一早就訂咗便当...
好味...傻魚留返個兜,拎返傻家遲啲要o黎整煲仔飯...
食飽行下睇下,買下物產...七點開車...領隊哥哥拎住個袋,抽籤!可惜傻魚同傻馬都冇橫財運,得一人一包紙巾...鬼咩...啲大吉同中吉籤畀前面啲伯伯嬸嬸抽晒,後面嗰啲全部得小吉,紙巾一包...
八點都唔使就返到呢度...兩日前朝早八點幾喺呢度上旅遊巴,今晚八點前落車...同導遊嬸嬸講完多謝,拉住啲行李入待合室擺低...
仲有半個鍾,出去行下先...
去咗隔離個商場行一轉,用下廁所,然後去行便利店...
搭八點三十五分o既新幹線,兩個鍾後去到上野轉山手線返傻家...攰到爆...乍乍林執埋啲嘢,沖個涼瞓覺先...傻馬仲慘,聽朝要早起返工...就咁,個旅程完滿結束~
沒有留言:
發佈留言