2009年花見(二)聚會

今日約咗一班好耐冇見o既網友去花見.原本傻馬都一齊o黎...但係傻馬見一班"師奶仔"聚埋一齊,一定會雞啄唔斷,所以臨陣退縮...就係因為咁傻魚遲到...好在網友甲君同網友靚仔媽都遲,可以一齊行過去...

成條街都係...好靚呀~

好多嘢食...因為遲到,其他人已經食飽...介紹下今日o既參加者先...

有靚仔一家...傻魚坐喺靚仔隔離,好開心~

龍少...係時候要練一練啲廣東話喇~

網友紅茶同細仔"奀之之"...仲有靚女姐姐...

遠道而來o既網友地球人同老公外星人.當然唔少得今日o既主催者網友四月同仔仔.

特別鳴謝四月老爺幫大家攞到個靚位,仲帶埋狗狗一齊o黎食嘢...另外阿"奀之之"好鐘意阿靚女姐姐,黐咗好耐...

满開好靚~
飲漲食飽,係時候到今日o既重頭戯...

滑草坡!搵咗兩個紙袋坐住o黎滑...

大人細路都玩得好開心...阿靚女姐姐仲玩到一褲都係黃泥同草汁...

後來走咗去問屋台嬸嬸要紙皮,滑得更過癮!

好大個蘋果糖呀!唔知要食幾耐至可以食完呢...
玩到四點幾就散會,各自各返歸...傻魚同靚仔一家去搭電車,沿途同靚仔玩得好開心.去到上野轉車,諗起好耐冇食大餃子,所以就走去買盒返去煎...咁啱電話冇電,走去搵電話打畀傻馬.傻馬咁啱都係準備返歸,所以就各自回家...傻馬今日一條友去咗邊?

第一站係大門...

第二站係日比谷公園...哼!有咁靚o既花都唔預埋傻魚!真可惡!!!

仲要見到啲咁可愛o既朋友仔...激氣呀...唔理呀!傻馬要帶傻魚去搵佢哋!
返到傻家阿傻馬仲未返到...乍乍林煲飯煮飯...終於劏咗個菠蘿...

較味較到多汁得滯添...都仲係差少少,但係差啲乜呢?下次再研究過...