新朋友

今日約咗個新朋友食晏.呢位新朋友係網友甲君以前o既同學仔,因為有啲嘢想搵傻魚幫手,所以就約出o黎食晏.咁啱大家都係住喺附近,就約喺駅等.見到面之後就去咗"佐拿敦"食晏.一路食一路傾,又識多個朋友喇~多謝網友甲君!傾過正經嘢之後,新朋友話今年會考二級,仲話搵緊啲舊試提練習.傻魚於是就帶咗新朋友去二手店,睇下搵唔搵到筍嘢.去到傻魚例牌去睇漫畫,仲介紹新朋友睇漫畫學會話.新朋友買咗三本漫畫,但係就搵唔到參考書.買完漫畫就一齊行到傻家附近至分手,仲約埋下個星期再食晏.
返到傻家就即刻煲湯...

可能啲雪耳浸得唔夠耐,煲完都唔會溶溶地仲好有"趙"口...近排成日買南瓜,不過食埋今次應該有排都唔會再買...食厭咗...呵呵~