團年飯?

今年因為傻馬攞唔到假,所以返唔到香港過年.正當傻魚喺度諗緊幾時整團年飯同整乜o既時候,有人因為之前畀傻魚話孤寒而深感不憤...所以尋日收工之後走咗去西口間超市買咗...

黑毛和牛扒!!!仲要係做特價有平...所以傻魚放棄唔整鮑參翅肚,改整西餐...其實都係得嗰兩條友,日日都一齊食飯o架喇...冇乜特別,只為應節.

傻魚個香煎雞扒配薯菜.個薯仔差啲燒燶,好在只係少少啫...

傻馬個黑毛和牛扒配薯菜.薯菜材料:西蘭花,橙紅黃燈籠椒,南瓜同新薯仔.另外整咗個黑椒汁畀傻馬點牛扒.

有見啲牛扒都幾厚下,所以都煎咗好耐.但係都仲係好生下...好在傻馬鍾意食三成熟...
喺日本完全冇過年o既氣氛,更加令傻魚思親想家.希望大家都可以同家人一齊過個開心年~祝大家一團和氣,相親相愛~