開年飯?

尋日大年初一,傻馬個波友-來自吉林o既楊生搵傻馬去打波.所以尋日傻馬收咗工返到傻家換完衫又即刻驅車去打波.仲諗住自己一條友要求其整啲嘢食,但係傻馬叫傻魚等埋佢哋一齊去食"開年飯".年初一就食開年飯?唔吃齋?是旦喇~身在異鄉,冇計喇...等到十點至去食飯,餓到傻咗.原本傻馬話去食中餐,但係...日本啲中餐...都係算吧啦~結果走咗去"加士多"(家庭餐廳,即係類似香港o既茶餐廳,乜都有得食)食.

傻馬叫咗個鐵板雞扒.

傻魚個雙醬炸雞...

配湯同飯~

楊生叫咗個日式三餸飯.由於楊生個女友返咗大陸過年,咁啱夠鍾要通電,所以未食就走咗出去講電話.講到兩條傻嘢差唔多食完至返入o黎開始食.自己一人喺外地過年,個感覺都幾淒涼.楊生話好在都仲可以約埋朋友一齊食下嘢,唔使自己吔自己咁話.尋晚食到十一點幾,幾驚楊生冇車返屋企呀!楊生,遲啲再一齊食過~