今日約咗黃氏二少,三少,同二少女友一齊驅車去旺角會合關生.關生呢排都唔知發生咗乜嘢事,又話要去"痰易吐"...唔通收咗"痰易吐"啲宣傳費?又係叫咗個番茄湯底...
不過個湯底都係叫羅宋湯比較貼切啲...兩個活寶今日又有乜新火花?冇喎...因為兩個活寶分開坐隔得遠,再加上關生唔夠瞓死緊狗,擦唔出新火花.但係都食得好開心.食食下關生話如果傻馬知道佢哋賴低傻馬打邊爐,傻馬一定會唔開心.傻魚咪話出門口嗰陣留咗言通知咗傻馬喇...跟手諗住打電話畀傻馬,點知傻馬個手機擺喺廚房叉緊電聽唔到,所以冇接...
食完傻魚又去"去晾衫"買杯西瓜汁下火,然後先送關生返去,再送黃氏兩兄弟...返到屋企己經十點幾,即刻搵傻馬報告下今晚餐飯o既爆笑嘢.連打兩晚邊爐,隻牙仲痛痛地,都係整杯花旗參飲下先.
沒有留言:
發佈留言