北東北之旅(三)-白色新年在青森

話咁快又一年喇...上年好似乜都冇做過,凈係不斷飛o黎飛去...新o既一年,舊o既願望...就係希望所有人都開開心心,健健康康!
今日瞓到九點至起身...求其食咗尋晚買o既包做早餐之後,就執埋啲嘢退房...今日第一個行程係搭電車去另一個地方...

沿途係咁落雪,好靚~

今日第一個目的地...

車站裡面有好多呢啲燈(?)...

弘前...

周圍都見到蘋果...關生今日都係唔多掂,所以傻馬同傻魚賴低關生關太喺駅...

走去搭巴士...

o黎到呢度...

去睇弘前城...

啲雪係咁不停落...

但係好奇怪,一啲都唔覺凍...

可能係因為冇風o既關係...

白雪之中一點紅,好靚~

越落越大添...

經過第二條紅橋,就見到弘前城...

嘩~水面結晒冰...

冇人o黎...

周圍都積咗好厚雪...

白濛濛一片...

靚...

臨走前影多幾張先...

好想堆雪人呀!!!

原本仲要去附近行,但係因為要趕時間去下一站,所以就唯有放棄...搭返巴士去駅會合關生關太,再搭電車...

途中有好多蘋果貨倉...一籮籮紅色嗰啲全部係蘋果o黎o架~

車掌叔叔好鬼馬...

喺電車望出去,一望無際,白色一片...好想落車大字型咁瞓喺度~

第二站係五所川原,轉搭呢架電車(?)...有乜咁特別?

咪就係喺車箱裡面有個咁o既位可以燒魷魚,日本年糕食...

架車好舊,仲好勁燒魷魚味...

搭到o黎金木駅落車...諗住塞啲行李入儲物櫃,點知塞極都塞唔入喎...唯有拎住行囉.

起程前上咗去駅樓上搵食...

關太碗烏冬...關生唔舒服冇胃口,所以唔食...

傻馬碗烏冬...

傻魚又食咖哩...見關生咁樣,傻魚就叫傻馬自己去行...傻魚同關生關太留喺餐廳等傻馬返o黎...

駅大堂...

金本駅...

好得意...

傻馬o既目的地係o黎呢度睇嘢...

入場五百円...

好"大奧"...

好古式...

當中都有洋式o既...

睇完就去呢間物產館,傻馬又擺低咗啲銀兩...

見仲有時間就周圍行下...

喺青森影秋田犬...

八幡宮...天就黑添...見差唔多時間,傻馬就行返駅會合關生關太同傻魚...

趕唔切搭唔到架"魷魚車",搭咗普通電車返五所川原...

下一架去青森o既電車要等個幾鍾,結果走去搭巴士...仲諗住今晚間酒店包晚餐,打去通知酒店要遲啲至到,留返啲晚餐...點知酒店話傻魚訂o既房係冇晚餐,因為間酒店係冇晚餐可以提供...吓?!!明明寫住朝食込夕食込o架嘛...睇真啲,上面個房種一欄就寫住朝食房...咁究竟係酒店o既問題定係"落癲"o既問題呀?唔理喇...去到青森食埋晚餐至搭電車去酒店...

關生關太叫咗個牛扒兩份食...傻馬都係叫同一款牛扒...

傻魚唔食牛,食意粉...

叫多個洋蔥圈...食飽搭電車去浅虫温泉...

間房好大...

入到去啲床已經舖咗...間房得個廁所,沖涼要去大浴場...話明係温泉酒店,梗係有得浸喇...每間房可以預定時間包頂樓個露天温泉風呂浸半個鍾...傻魚就幫關生關太訂咗個時間,當然又點會少得自己嗰份喎...

就喺呢個露天温泉風呂喇...另外仲有一個,不過入唔到影相...關生關太浸完之後到傻馬同傻魚去浸...傻魚浸咗一陣就頂唔順跳咗出去...傻馬浸咗十幾分鍾,見開始落雨就快快走返房...關生話喺呢度見到有人賴低咗隻"姑池"介子,到傻魚入去浸嗰陣就順手拎埋走,之後去櫃檯還露天風呂條匙嗰陣順手交畀阿掌櫃,希望可以交返畀個物主...
今日係咁不停搭電車,轉巴士,搭巴士轉電車,再轉電車,又搭電車,又轉巴士,再搭電車...個頭痛到爆,個胃反到嘔...好在聽日個行程好舒服啫...關生,你幾時回魂呀?!!