繼續忙繼續攰

今日繼續開機洗淺色衫.等緊機衫o既時候收起曬咗兩日o既細床褥,然後抽起張細毛被,換返張大毛被落去蓋住張發熱電毯...晾完衫又繼續開機洗埋兩張細毛被...然後拎啲枕頭出去曬...真係攰到趴街...條腰骨仲痛到死添...
咁攰,今晚都係唔好搵咁多嘢搞...話口未完,又屎忽痕冇嘢搵嘢o黎搞...前日送完關生關太去駅之後,買完日用品經過一百円店,走咗入去買少少嘢...結果手痕買咗個方鑊...今日屎忽痕見個雪櫃有蛋,學人整日式煎蛋...

味道唔錯,但係有待改良...其他就切切切,擺埋一堆...西蘭花烚一烚,開個罐頭螺片,拎起啲螺片堆埋一堆用西蘭花圍起,啲汁就倒落鑊,加啲瑤柱絲,埋個芡淋上面...搞掂!!!算係咁喇...咁攰都有四餸一湯...