好味~
呢位嬸嬸好好客,驚呢四件外國人唔好意思出去拎嘢食,係咁行埋o黎問食唔食呢樣,飲唔飲嗰樣...
嬸嬸拎咗兩碗日本年糕畀傻馬同傻魚食...過年食年糕,都高興,o耶~好味!食完早餐返房休息一陣,執埋啲嘢就去退房...擺低啲行李畀酒店,就坐酒店架車起程去...
嘩哈哈哈哈~水族館呀!!!一入到去...
就見到呢隻超可愛,但係瞓緊覺o既大海龜~
有啲水缸仔裡面有好多"小動物"...
經過條"海低隧道",係咁望住上面啲魚魚...有條好大既魔鬼魚係咁游來游去...
側邊啲大缸有好多五顏六色o既魚魚,同埋...海膽?!!
好得意~
食唔食得o架?...
五彩繽紛,好靚~
水母呀~跟住夠鍾去睇表演...
好叻好勁呀~(拍手拍手拍手~)
然後順路去睇人喂海獺同海獅...
真係好鍾意呢隻海龜~
肚餓添...買咗一個肉包同薄餅包食...跟住見到自動販賣機有炸雞賣喎...梗係買o黎試下喇...不過...都係唔叮好啲...
又係龜...呵呵~
呢個乜o黎o架?
唔...關生,食唔食呀?
好得意呀!!!
怪魚...
諗住喺水族館玩成日,但係玩到兩點幾就已經玩完...仲咁早,去邊好?行十五分鍾返今朝間酒店拎返啲行李,然後行五分鍾...
去今晚間旅館.諗住未夠鍾拎房,擺低啲行李先...點知啲女將話冇問題,可以上房...
個大堂度有嚿咁o既嘢...
啲女將企晒喺門口附近等客到...
間房好大,有廁所同浴室...
呢間房o既賣點係可以望到呢個日本庭園...可惜因為落雪,所以整咗好多枝架保護啲樹木...不過如果有積雪,都應該幾靚...同個女將講完幾點喺傻魚間房食晚餐同聽朝早餐o既時間,查埋電車個時間表就叫旅館備車去駅...
仲有五分鍾架電車就到...
就係搭呢架去青森...
沿途有雪景,好靚~
好似假o既模型咁...
十五分鍾都唔使就o黎到喇...
北東北啲郵箱上面都有嚿嘢....
喺青森就梗係多蘋果舖喇~
呢個阿叔好好人,介紹傻魚同關太食青森最好味o既蘋果...所以最後都返轉頭同阿叔買蘋果...
新年都開舖,好在...
新鮮市場裡面都有好多嘢買...之後行返去駅...
行物產店...
唔同蘋果種類o既蘋果汁...真係好想買返去試下有乜唔同...不過太重,所以放棄咗.
好多蘋果o既物產...
當然有好多蘋果汁喇...
呢個咖哩好出名咁喎...聽日買返兩個試下先...
呢隻嘢真係搞鬼...
行完就搭返電車返酒店...
早咗一班車,不過唔緊要...傻馬打去旅館叫人o黎車大家...
今日其中一部份收穫...關太同傻魚一人買咗一個世界一同サンふじ...女將喺傻魚間房度"擺陣"o既時候,傻魚將呢三個蘋果交畀女將一陣切o黎做飯後果...
個晚餐好豐富,仲好好味添~關生今日好返少少,但係都係冇乜點食嘢...
飯後果一上枱,全人類嘩~一聲...好大碟呀!!!食完飽到想死~三個蘋果,最好味係叔叔介紹o既サンふじ,但係第一晚間酒店送嗰個蘋果就最爽口.正~聽朝仲有兩個蘋果,食埋佢唔使拎喇嘛...食飽電咗一陣電視就瞓喇...呢度個"三豬網絡"冇訊號,上唔到網唯有早啲瞓喇...
沒有留言:
發佈留言