忙加攰

可能慣咗早起身,今朝九點幾就起咗身...尋日洗咗一機淺色衫同一張大毛被,曬咗張細床褥...今日繼續再曬張細床褥,洗多機深色衫,再洗細床單同啲枕頭套...真係又忙又攰...仲有三機嘢要洗,不過由於冇位晾,要等聽日同後日至洗...洗完晾完都成兩點幾...休息咗一陣,又要開始執啲"戰利品"...買咗咁多嘢,都唔知擺邊好...仲有就係,買咗咁多零食,都唔知要點食同食到幾時至食完...今次仲唔肥上加肥?!!食完上唔到飛機返唔到香港點算?唉~最衰都係傻馬,呢樣又話係傻魚鍾意食,嗰樣又話係傻魚想食,結果買晒返o黎傻馬又唔食...
執完嘢攰到想死...抖咗一陣,見好似好耐冇煲湯,乍乍林煲返煲湯潤下先...出遊之前買咗包水菜,再唔整就要益隻臭垃圾桶...問傻馬點整,傻馬話不如整腐乳水菜...吓?!!

都係腐乳通菜好味啲...清埋之前買o既番茄仔...雪櫃裡面啲舊材料終於都食完喇~