傳染病

早排傻魚個腸胃有事,係咁痾液體痾咗幾日...依家好返,但係就"傳染"咗畀傻馬...尋晚傻馬話食得太飽,個胃漲住好唔舒服.今朝返到公司就痾咗兩次...諗住係傻馬飲咗杯隔夜橙汁搞成咁,正話出街買嘢嗰陣順手買咗樽喇叭牌看門口.傻馬放工返到屋企話個肚仔仲好唔舒服,食咗三粒止痾丸之後去咗次廁所.諗住冇事喇.點知傻馬話個胃唔舒服,唔食飯喎!!!再問清楚啲,啲症狀同傻魚嗰次係一模一樣!!!仲唔係傳染病?!!諗諗下可能真係個冬瓜玩嘢!冬瓜可以清熱毒...傻魚腸胃差,所以食兩次就領嘢,一鑊過清晒啲"劇毒".之後再飲冬瓜花旗參清雞湯嗰陣已經冇毒可清,所以冇事.而傻馬啲腸胃強啲,所以一路都冇乜事...尋日飲咗杯隔夜橙汁,就引發起呢個清劇毒程序.結果今日煲o既清潤去濕湯,傻馬一啖都唔敢飲.成煲湯,落晒傻魚肚...如果畀奶奶知,一定嬲死奶奶...因為包湯料係傻魚話要煲畀傻馬飲,叫奶奶執包畀關生帶過o黎...而傻魚飲完咁大煲湯,聽日唔知又會唔會返發同傻馬爭廁所呢?驚驚~