流質食物

尋晚煲咗一大煲湯,一個人飲唔晒雪起咗一大碗.今日傻馬個肚仔已經冇事,一早就同傻魚一齊出街幫網友主婦同朋友買嘢.買完又走咗去食迴轉壽司,今次食咗十三碟,埋單二千円.好低好低~由於傻馬尋晚痾咗好多次,今朝有啲腳仔軟,所以兩點都唔夠就返咗屋企.跟住睇咗套電影之後齊齊小睡.訓醒差唔多時候要開工喇.

煲返熱碗湯畀傻馬飲.傻馬一路食湯渣一路話好飲.梗係好飲喇~奶奶愛心湯水喎...諗唔到整乜食好,傻馬又話唔好搞咁多嘢喎...

結果今餐全部都係水汪汪o既流質食物.不過見傻馬都食到津津有味,可能尋晚冇乜點食嘢啩...食粥好快會肚仔餓,所以傻魚決定一陣做阿茂~呵呵呵!!!