再見喇~2010年!

話咁快又一年,真係歲月不留人.2010年發生太多唔愉快o既事,令傻魚無法記起其他啲快樂事.希望衰運已過,新o既一年會有更多開心事發生.
今晚除夕晚餐,又係大餐呀!!!

好有份量呀!!!

完全係以量見稱!呢個大餐食完飽到上喉嚨.
除夕夜大家會做啲乜?日本人通常會喺屋企睇紅白,十一點幾食年越蕎麦,然後舉家往神社倒數後聽住一百零三聲o既鍾聲向神明祈福.求完支新年籤,飲埋杯甜酒就返屋企瞓覺.傻魚怕人多,所以今年唔出去倒數喇.難得今年唔"出油",留喺暖笠笠o既傻家懶洋洋地倒數.
喺呢度要同唔開心o既2010年講拜拜喇~兩條傻友笑住o黎迎接開心o既2011年!
新年快樂~~~
此篇文章是日本國家旅遊局贊助的香港推廣活動日本新発売的一部份。

好飽!

出街食咗兩日,又係時候要清下啲舊貨.
2010年12月27日(一)

三餸一湯

花旗參雪耳湯

傻馬最鍾意食o既大白菜.材料:大白菜,炸豆腐皮,金菇,肉碎,辣椒乾.

燒真鯛...燒得勁得滯添...
2010年12月28日(二)

兩餸一湯

五色雜炒...太大碟所以整少一味.

材料:西蘭,紅燈籠椒,黃燈籠椒,橙燈籠椒,豆角,金菇,魚餅.

椒鹽燒雞鎚.
2010年12月29日(三)

之前嗰晚食咗個西蘭花,留返個莖炒白飯魚炒飯做午餐.

包雲吞...身在異地,有好多想食o既嘢都要自己整.

上海餐~

用烏冬整咗個上海粗炒.第一次整,味道唔錯.起碼傻馬勁贊.可能係太耐冇食o既關係啩...

土鍋雲吞雞.呢味就係包雲吞o既原因...
2010年12月30日(四)

午餐煮咗清湯烏冬,落埋尋晚啲雲吞.

不知所謂o既晚餐...

因為尋晚太飽,所以冇蒸到饅頭仔.結果正話傻馬話想食...

清湯白菜粉絲.啲湯畀啲粉絲吸乾晒...

今日傻馬返半日,所以喺西口間超市買咗呢嚿雞扒返o黎...個汁甜得滯,傻魚唔多好.所以傻魚從來都唔會買.

又一樣傻馬喺西口間超市買o既炸雞翼...又係傻魚唔會買o既...

之前食净o既午餐肉,燒脆加啲茄汁...好味~
同場加映:

上網買咗對鞋,一千四百幾円.加埋運費二千円咋~低到爛呀!!!原本想買啡色,好可借其他顏色已斷晒貨凈返米白色.

溫暖的冬天

日本o既冬天又凍又乾,飲少一陣水個喉嚨都會又乾又痛.室溫o既水喺冬天變咗冰水,飲完成個人"寒"晒.之前有個細保溫水壺,可惜早排壞咗益咗個臭垃圾桶.之後開始用個焗杯,可惜容量細不在講,擺一陣就凍晒.忍咗成個月,終於忍無可忍...喺"企鵝仔"敗咗個...

一公升o既保溫壺!!!可以保溫六小時o架!以後日日都有暖笠笠o既紅棗水飲,這個冬天不再冷喇~好嘢!!!

伊太利亞の味

睇完燈飾,太凍太餓喇.即刻躲入地底,去八重州地下街搵食.

呢間店細細間,啲嘢好似幾好食咁喎...

面前就有個酒架,不過冇叫到.

叫咗個薄餅...點解同出面櫥窗嗰個樣板唔同o既?!!不過個味道都唔錯.

再叫個茄汁海鮮意粉.太好味,傻馬連汁都清埋!
下次又去試下第二間先~呵呵!
此篇文章是日本國家旅遊局贊助的香港推廣活動日本新発売的一部份。

光都東京

今日又係等天黑至出動.傻馬帶咗傻魚去東京駅附近睇燈飾.

天寒地凍,好在唔係使行好耐.呢度啲燈飾叫光流.

就係呢個喇~

一行入去就畀呢啲"光"吸引住...傻馬即刻拎啲腳架出o黎...哈~傻魚第一次用腳架影夜景.

收細個光圈...嘩~好靚呀!!!

呢度主要係展示呢啲"燈籠仔".

每個燈籠都有唔同o既圖案.

好有創意~

主題係"地球, 環境, 和平".

係附近小學學生o既作品.

配埋個白光噴泉...

好靚呀~

排得好齊!唔係用蠟燭,係用好環保o既發光二極管.

呢度係邊?

和田倉噴水公園.今日係最後一日,有興趣o既朋友仔明年請早.其實仲有另一個花燈飾,由於飢寒交迫,所以冇去到.
資料: 光都東京
此篇文章是日本國家旅遊局贊助的香港推廣活動日本新発売的一部份。

鶴飩啖

聖誕節快樂~
喺呢啲佳節條街一定係人山人海,所以今日都冇打算出街.後來傻馬話要出去睇下嘢,所以天黑之後至出動.喺新宿行咗一圈,肚餓去搵食先...

呢間店喺歌舞妓町街尾...

晚晚都有人龍...今晚算短,很閒去排下先.呵呵~

店裡面個格局好特別,張張枱都自成一角.等咗廿分鍾就可以入座,被安排坐入個室.

呢間店主打係烏冬,除咗有期間限定o既特選烏冬...

當然仲有一般周街都食到o既款式.

另外亦有佐酒o既小食...

飯類亦有好多種類.

個室啲門都好靚~

叫咗個小食,係炸鰤魚忌廉可樂餅.食到一嚿好大嚿o既鰤魚,好好味!!!

傻馬叫咗個忌廉海鮮烏冬,個碗好鬼大~

傻魚個豚汁烏冬,好味~

個室細細間,可以坐四個人.仲有電影睇~

食到尾聲咁啱夠鍾有現場表演,可以一邊吃一邊聽歌.聖誕節就梗係唱聖誕歌喇~

資料: 鶴飩啖
同場加影:

去醫肚途中經過,呢條街有兩間露天咖啡店.望住啲燈飾嘆咖啡,都幾寫意喎~

之後見到呢架雙層巴士,好很意呀!!!
此篇文章是日本國家旅遊局贊助的香港推廣活動日本新発売的一部份。