聖誕"大"餐

諗咗成個星期都仲未諗到要整乜.

午餐整咗個炒飯,材料有西蘭花芯,紅蘿蔔,白飯魚仔,蛋同隔夜飯.唔使落鹽,白飯魚仔已經夠咸.食飽繼續諗,然後出門去西口間超市入下貨.
今年個聖誕"大"餐個大不在於賣相或份量,絕對係大在材料o既質素上.今年比上年貴咗兩倍!

就係呢幾塊國產(唔記得喺邊県添...)黑毛和牛喇~

一睇就知係正嘢喇!雖然唔係最頂級o既和牛,但係對傻馬o黎講已經係好高級o架喇~

就咁落咗啲海鹽同黑椒去煎.

清咗張飯枱,再換埋塊枱布...今餐真係重質不重量.開埋支香檳...差在冇點蠟燭啫...下年要諗諗買返啲蠟燭o黎"旁下身"至得.

傻魚個燒雞扒配蝦蜆五色意粉.

傻馬個國產黑毛和牛配蝦蜆五色意粉.

今次唔煎,用燒.慳返啲時間,可以同時燒雞同煎牛扒.不過好似乾咗啲,唔夠肉汁.要諗諗點改良先...

番茄仔係心型o架!!!

唔敢煎咁耐,但又怕太生...好在傻馬話啱啱好,入口即溶.咁正o既肉就梗係唔需要點任何醬喇~
呢六件國產黑毛和牛重十百八十五克,價錢係一千八百十四円.件國產雞扒重三百四十克,價錢係三百三十六円.三色燈籠椒用咗四份一,一百三十五円.西蘭花二百円,蝦三百円.蜆...唔知.羅宋湯材料加埋要三百五十円,香檳一千円.呢餐用咗四千一百三十五円.但製作時間比上年少三份二,心思亦比上年少一大半.下年喇...下年再o黎個真正o既大餐!!!
祝大家有個甜蜜開心的聖誕~
聖誕節快樂!!!
此篇文章是日本國家旅遊局贊助的香港推廣活動日本新発売的一部份。