老麥

老麥,係一位舊同事.老麥以前叫小麥或麥麥,係深圳分公司同部門唯一一個低職位過傻魚,但同時又係最話頭醒尾o既一個.次次上深圳開會,都會吐一大桶血然後同老麥兩條友係咁呻.雖然年齡差半圈,但卻出奇地啱嘴形.傻魚離開間公司冇幾耐,老麥亦都冇做喇.之後老麥喺廣州返工,間唔中去香港嗰陣都會一齊食下飯.後來傻魚過咗o黎東京生活,咁啱老麥又選擇咗o黎日本讀大學院.可惜,因為時間唔啱,只係通過幾次電話,始終緣慳一面.今日終於約到喇~
點解小麥會變成老麥?因為小麥喺今年二月結咗婚,嫁咗畀個日本人.所以小麥唔再係小麥,已變成老麥!今日傾咗四個幾鍾,之後仲一齊行下街.重遇老友,好開心呀!希望o黎緊可以常常見面.

好耐冇食喇~今日食返,特別覺得好味!係因為心情o既關係,定係件蛋糕本身就勁好味呢?應該兩者都有.呵呵~要約埋毛毛大佬一齊去食返餐勁o既至得!