ザ海峡@秋葉原

冇紅葉睇,唔知做乜好...所以今日去秋葉原散下財.原本諗住買掃瞄器,但係傻馬揀唔到心頭好,結果冇買到...行咗幾個鍾,周圍去睇下家電.好多嘢做買o架...例如換個大啲o既雪櫃咁...不過好多高智能雪櫃都好貴,閒閒地都要廿幾萬円.遲啲如果搬屋至再考慮換邊款.冇錯!係一定會換個大啲o既~宜家呢個太細喇,入一次貨就爆到塞唔晒啲嘢入去...順便去了解下其他新出爐o既"高科技"產品.
行到五點幾,肚餓添...咁啱喺某大電器舖旗艦店逛緊.諗起上次好友愛麗絲小姐個媽咪同姨媽o黎日本玩嗰陣,傻魚帶大家去過o既一間餐廳.

傻馬嗰日錯過咗,今日就同傻馬去食.

餐廳裝潢好特別~

彷彿處身在山谷中用餐.

有好多嘢想食...

叫咗個炸魷魚鬚,好味~

再o黎個招牌炸雞塊...好好味!!!不過呢一味,冇四個人都真係唔好叫.實在係太大件喇...仲要係一人食兩件,食完都飽晒唔使食其他嘢.

傻馬仲驚唔夠食,叫咗個泡菜芝士燒日本年糕.傻魚只係食咗一啖咁大把.

再o黎多個炸雞翼...傻魚又係食咗一隻,其他都係傻馬食埋.太飽喇...好在冇叫個超級大o既什錦炸薯盤...如果唔係又會同上次一樣,打包收場...
想再返兜,不過下次要搵多幾個人至會再去.
資料: ザ海峡