甜品放題-苦甜

傻馬收工之後打嚟話要買蛋糕,問傻魚想食乜.講講下又話不如去食甜品放題.由於太突然,所以又係去返嗰間.就嚟變成飯堂...六點幾去到,唔使排隊.坐低十秒都冇,即刻去攞嘢食.

先嚟個沙律...

再嚟碟咸食.薄餅同意粉o既水準都保持得好好,不過傻魚最鍾意食炸雞~咸食上有少少唔同o既嘢,但基本上都同第一次去o既時候差唔多,都係嗰幾款.

傻馬例牌攞完咸食仲未食就即刻去拎轉甜品.傻魚搶咗個意大利芝士蛋糕同焦糖燉蛋.

只有晚餐至會出o既焦糖燉蛋實在太好味喇~傻魚一次過拎咗六個返嚟,食咗四個.相都未影,已經急不及待搞掂咗一個...呵呵~

藍苺芝士蛋糕,好味!!!拎咗兩個,可惜傻馬唔使貨,畀傻魚食埋.

洋梨焦糖薄烤餅,傻魚次次都會食一件.

傻馬要左個朱古力槳加雲呢拉雪糕o既格仔餅.

傻魚再去拎多轉焦糖燉蛋.個姐姐一聽傻魚又係要六個,即刻笑咗出嚟...另外再幫傻馬拎兩件蛋糕.

見到隔離枱碟蛋糕太色彩繽紛,忍唔住影返張...點知畀咁啱拎完飲品返嚟o既靚女們見到,結果佢哋自己又影埋一份.

傻魚唔想再畀人笑,所以傻馬走咗去拎第三轉"六個焦糖燉蛋".今次總共拎咗廿個焦糖燉蛋,傻魚一條友鯨吞咗十一個.恐怖!!!
呢間已經食到"爛"晒,睇嚟要搵多幾個"新架步"至得.