七點起身,梳洗完食埋個早餐就去退房.擺啲行李喺酒店,然後開始今日o既"奪命行"之旅.
酒店附近就有好多舊寺廟.
街邊綠化裝飾.
第二間觀光中心...
好有味道o既一條街仔.
商店街...
又係商店街.附近有四條...
奈良公園附近...
第一個目的地...興福寺.呢座係...三層塔.
興福寺係世界遺產之一.
朝早o既露水...
遍地"黃金".
頭頂都有.
嘩~要整廿五年咁耐...o黎緊十二年都仲係"工事中".
興福寺係觀音寺,傻魚見隔離座嘢可以入去,所以走咗去念觀音經.
呢座係世界遺產,畀錢可以入去參觀.
呢座都係世界遺產,都係可以畀錢入去參觀.
好多人排隊入世界遺產資料館.
周圍都見到鹿.
可愛...
果然係古都...
傻馬話冇時間所以慳返唔使使錢入去.
喺出面都影到.
周圍都有好多古舊o既住宅建築.
鹿係奈良o既"代表".
太多喇...去邊先呀?
唔係世界遺棄,就係文化財產.
襯埋啲紅葉,好正!
奈良公園.
好多鹿.
好靚o既庭園.
紅色面綠色底o既紅葉,靚~
橙紅色都好靚~
好好天~
路邊好多呢啲路牌提醒司機要小心啲鹿會沖出馬路.
行到咁上下,肚餓...好在之前買咗個大提子包,一路行一路食.
啲鹿係咁望住傻魚嚿包...
春日大社又有修理工程...古都啲保養都做得幾好.
秋天都有桜花睇.可惜冇時間...
仲未變色o既銀杏...
可能係星期日o既關係,好多人...
好紅呀!!!
堆到成座山咁高...
好想坐低飲杯茶...
喺強烈o既陽光照射下,太靚喇...
下一個目的地,二月堂.
春日大社附近好多賣刀o既舖頭.
呢座唔知係乜...冇窗冇門...
呢棵銀杏好鬼靚!!!
成棵都係金黃色o架!!!
去太多寺,太多神社...
已經唔知邊間打邊間...
呢度應該係二月堂.
只係記得行咗好多斜坡...
上咗好多梯級...
唔知阿叔畫咗幾耐呢?
東大寺.
好多人入去參觀.
南大門...太多人喇~
喺呢條街買咗碟燒墨魚丸食.休息完又再行...
可以買餅餵鹿.行得太攰,走咗去搭巴士返酒店附近.
好得意呀!!!
一陣又要行返o黎呢度搭電車...
返酒店拎行李途中見到有表演,睇完買咗個o黎食.幾好味,但係傻魚食到有花生味.所以只係咬咗兩啖就畀傻馬食晒.拎完行李行返轉頭搭近鉄去小倉.好在預早搵定去酒店條路.間酒店個位置都幾隔涉.攞完房休息一陣,傻馬話要去京都駅.
見到有條拉麵小路,入去搵咗間醫肚.
傻魚個"黑麵".個湯低係加咗爆燶咗o既蒜油.第一啖有少少苦味,之後就越食越過癮.個蛋好味到想再叫多個.
傻馬個"赤麵".加咗好多辣油,少少辣.
食飽走咗上京都駅上面睇"風景".
臨走又去食咗個甜品.
返到小倉去"探"下"籮神"...買咗...
傻馬個早餐.
傻魚個早餐.
傻魚聽日個午餐.
傻馬聽日個午餐.
今日仲攰.行太多,加上太多樓梯同石級.不斷咁累積,聽日會仲攰...
沒有留言:
發佈留言