巴巴甘蝦公司

睇完紅葉好肚餓,去咗附近搵食.好耐之前...應該係已經唔記得幾耐之前,誤打誤撞之下食過一次.當然,會行入去好大o既原因係阿甘正傳呢套電影.講咗咁耐,究竟係邊間?講得出係阿甘正傳o既當然就係"巴巴甘蝦公司"喇~

店裡面有好多阿甘講過o既"金句".

傻馬叫咗杯黑牛,味道怪怪地.可能係因為杯可樂唔係嗰兩大牌子啩.炸洋蔥上次都有叫,好味~由其係前面兜辣辣地o既番茄醬,傻馬好快就點完,之後叫姐姐仔再畀多兜.另外一兜甜醬就完全滯銷.

呢兜蝦甜甜地,辣辣地,好嘢味~

上次都有叫o既魚與薯條,好味~
話明係蝦公司,蝦當然就係主道.有好多款蝦都好似好好味咁,而事實上食過o既蝦都好味.有啲份量都幾大,所以人少好難試多幾款.睇o黎都會再返兜,不過o黎緊半年都唔會再o黎.好味o既嘢就當然要推介喇~
資料: 巴巴甘蝦公司