行街街

好耐都冇約朋友出街...一來朋友仔都搬遠咗,二來自己唔係好想出街見人.咁啱朋友仔個妹妹來東京玩,順利拎埋啲嘢畀朋友仔.
十一點三約咗妹妹喺渋谷駅見,一齊周圍去行下.行咗一陣渋谷就行過去原宿.原本諗住等埋朋友仔一齊食晏,可惜朋友仔好晏都仲未見人.好肚餓,所以就同妹妹去食晏.

妹妹叫咗個薑蔥汁豬肉飯.

傻魚叫咗個黑豚扒.
食飽坐咗一陣就收到朋友仔個電話話就到.等埋朋友仔,又去逛街.入到"永遠廿一",朋友仔同妹妹兩個睇到唔願走.出門口嗰陣天已經黑,傻魚就先回家.
好耐冇試過咁樣...唔知下次會係幾時...