筑波山賞紅葉

尋日有太陽,但係就冇出街...今日天陰陰,傻馬竟然話要去遠啲.一早畀人摷咗起身,完全係未瞓醒...喺秋葉原轉電車,一個鍾後去到目的地-筑波.再轉個半鍾巴士上山...其實唔需要搭咁耐,只係今日太多人上山,塞車.

去到已經好攰,仲暈巴士添...由於太塞車,所以早咗一個站落車.整個行程掉返轉o黎行.

呢度仲未係山頂,仲要再上.

好有味道...

秋天啲樹係最靚o既...

呢棵樹好大...

呢個季節好多菊花展.

大大朶,圓篤篤~

都好多人...

等咗好耐至影到呢張相.

好有秋意.

都仲未係最靚o既時候.

見到喇~

紅葉~

傻馬話呢個位啲紅葉最靚...

好紅~

好!搭纜車上山~

等纜車嗰陣影o既...

個站附近好靚...

幾分鍾後,到達!

都唔係好高啫...應該唔會有高山症...

肚餓...去醫肚先...

傻馬個山菜烏冬.

傻魚個親子丼.

食完上頂樓睇風景.

好多樹已經冇晒葉...

但有好多仲好綠...

究竟係遲咗定係早咗去睇呢?

好多人喺呢個位影相.

其實呢度係一間旋轉餐廳個頂,所以會自轉...

一陣要去嗰度...好遠好高呀~

好喇...出發...

往呢個男体山頂...

途中都有少少紅葉...

唔係講笑,有相為證...傻魚真係"爬"上去o架...好鬼辛苦...

但係都值o既...

到喇到喇...

唔算太靚...

天陰陰...

好多烏雲...

行返落山好鬼快,完全唔需要停低休息.好多人等緊纜車.

正話就係喺呢度食嘢同影相...

好多青蛙...

向女体山頂行去...

條路好行好多...

都有好多行...

好似一個心形...

青蛙石...好多人往蛙口丟石仔.

差唔到到山頂又見到呢啲石級...

仲未到?!!

太陽開始落山喇...

仲要再行...

終於到喇...

黃昏景色太靚喇~

一陣去搭空中纜車...

嘩~傻馬坐到咁邊...

好靚~

傻魚就係坐喺個白衫哥仔後面影上面嗰四張相...而呢張就係坐喺傻馬隔離影o既...真係一個唔小心會碌落山跌死...

空中纜車,傻魚o黎喇...

其實都仲係好早...由於要趕巴士,所以要快啲落山...

太陽伯伯呢排都早收...

上到纜車一轉身...嘩嘩嘩~好大個咸蛋黃呀!!!

可惜好快又唔見咗...

落車嗰陣影到冇埋...真係夕陽無限美,只是近黃昏...

紅葉,過幾日再見~

等巴士嗰陣天開始黑...

從巴士站望過去,見到好大隻青蛙...冇時間行過去添...唯有等下次喇...
今次係秋葉原轉電車嗰陣買咗筑波山套票,四千三百円一位.包來回秋葉原快速電車,來回巴士到山脚,無限任搭纜車同空中纜車.
有興趣o既朋友要快手啲喇...依家係最靚o既時候!