頻頻煮

星期三(2010年11月3日)

去浅草睇完祭,經過上野嗰陣咁啱開始係減價時段.結果買到咁...成個冰箱即刻爆滿!!!

晚餐就求其煮咗個麵畀傻馬,自己就食隔夜海南雞飯.清埋個夜湯...

喺上野買o既燒墨魚丸...

同埋海膽仔...

飯後甜品就有桂圓黑糯米.咁就一餐喇...
星期四(2010年11月4日)-四餸冇湯

諗住就咁整煲咖哩伴飯就算.由於個雪櫃太多野要清,結果搞成咁...燒真鯛,椒鹽蝦,咖哩-材料:洋蔥,薯仔,紅蘿蔔,長豆同去皮雞扒粒.

貓煲裡面係榨菜蛤.
星期五(2010年11月5日)

午餐係隔夜咖哩烏冬.

晚餐係三餸一湯.燒三文魚腩,白飯魚炒菠菜,雪耳湯...

同埋瑤柱肉碎粉絲蒸水蛋-材料:肉碎,瑤柱,粉絲,蛋同櫻花蝦乾.原本係落蝦米,見有太多櫻花蝦乾,所以就變成咁.
星期六(2010年11月6日)

午餐煲咗瑤柱白粥,再加個白飯魚炒蛋同櫻花蝦乾.好味~
晚餐...搵唔返啲相,唔記得食咗啲乜...
星期日(2010年11月7日)

傻馬出咗街,所以晚餐傻魚又係食粥.冇晒生蛋,所以就咁炒香啲白飯魚,加啲櫻花蝦乾同一隻有味蛋.
星期一(2010年11月8日)

屎忽痕,玩下嘢...用啲肉碎舖喺啲白菜度...

切一段段排滿個鑊仔,加牛奶,鹽,黑椒同少少雞粉調味.

煲完變成咁...下次試下唔落奶,用奶油應該會更好味.

加條燒真鯛同番茄仔冷奴,煲埋啲奶奶靚湯,咁又一餐.係好用心o既一餐.
同場加映:

發現有一對孖番茄仔,咁樣應該係不同卵雙生兒.傻魚霸咗o黎食!!!呵呵呵~