韓國料理

天寒地凍,唔多想動...傻馬話出街食...梗係叫傻馬諗定食乜,費時又喺條街度凍僵喇~傻馬例牌又係話要食韓國嘢,好在好快就決定食邊間...

店內裝潢用全木.

之前食過,不過呢間係分店.

周圍見到好多韓星團體o既海報.

叫咗個套餐,唔使煩...

叫咗杯韓國米酒.驚難飲,所以溝啲果汁酒.甜甜地,都可以接受.

有肉有海鮮有內臟...

都好豐富~

另外仲有個湯,好辣~
呢餐食得好滿足~隔一排應該會返兜.傻家附近太多韓國嘢食,唔知幾時至會食得晒呢?呵呵~

サイゼリア

尋日去完滑雪之後攰到攰晒.來回八個鍾頭o既車程係最攞命~所以尋晚返到新宿之後走咗去食嘢.順住返傻家條路有二手書店同一間傻魚都幾喜歡o既連鎖餐廳.但係呢一間係第一次去...

轉咗冬季餐牌之後都未去過...

但其實都係差唔多,冇乜太多新菜色...

叫咗個鮮蝦番茄飯,好味~

芝士薄餅,好味~

焗海鮮長通粉,好味~

當然唔少得傻魚至愛o既燒雞翅喇~呢味次次o黎親都必叫.

兩條友食咗咁多嘢...好飽,散散步行返傻家前走去中國食品店買冷凍點心上下倉...
呢間餐廳喺香港都有一間分店,不過唔記得喺邊...
資料: サイゼリア

安達太良山滑雪

今個冬天第一次去滑去...比往年遲咗大半月...五點鍾起身,六點鍾出門口...

先去便利店買早餐,再搭一個站去新宿.行到去都庁附近報到之後,就行去另一邊搭巴士.七點二開車,停咗兩次去廁所,到達目的地時已經係十一點...四個鍾車程,加上後段係山路,轉到傻魚個頭好暈.

好好天~

去到已經見到有唔少人...

先去攞吊車費...

好大下...由左至右,上中初級...

上級睇落好恐怖...

去租板同鞋...

要先填咗呢份嘢,寫明鞋o既大細,身高,要滑雪屐定滑雪板.

換完鞋,搵個儲物櫃擺啲袋之後就出發喇...傻馬又想的傻魚上山,今次傻魚打死都不從...決定一條友留喺山腳慢慢滑...

傻馬冇符,唯有自己一個先上初級暖身...

之後再到上級玩...

一個人包一卡...爽~

上到山頂冇乜人...

山上好靚...

有餐廳,所以肚餓都唔怕...

嘩~好斜呀!!!

條路又窄...

山邊冇欄,唔小心會跌落山...

樹氷...

真係結冰o架~

傻馬仲拎塊冰掟埋去,結果係塊冰散咗...勁...

傻馬執咗呢個畀傻魚...傻馬上咗上級四轉,傻魚覺得好暈,所以喺山腳等傻馬然後一齊去食.望下個鍾,原來已經兩點鍾,唔怪之得會暈喇...

傻魚叫咗個炸雞咖哩飯,好好味~可能太肚餓啩...

傻馬個炸雞沙律...傻馬一食完又即刻出動...

又到上級玩...山頂都幾高下...

要搭成十分鐘咁耐...

自動門,話明去到邊個位會關上...

落纜車之後o既平地,畀啲人著板...

點解右邊個指示牌畀人貼咗隻字o既...

滑落少少望返上去山頂...

再望落山條路...

恐怖~

再上多次...

噢~開始落雪!!!

個天都陰埋...

氣溫亦下降少少...

傻魚食完飯做乜?又走去初級個山腳度滑滑下咁囉...結果係傻魚一次都冇搭過架吊車...哈~嘥錢!!!

滑到差唔多四點鍾傻魚就"收工",走咗去拎袋攞"單眼仔"開始影相...

突然少咗好多人...

有好多團都係四點幾五點就要上巴士,但傻馬訂o既就要到六點至走得...

滑雪場四點半就關門,仲有個幾鍾做乜好?

隔離有間溫泉酒店,可以用優惠價去浸一浸...不過...傻魚都唔好浸溫泉,又冇帶"私伙嘢"o黎...咁麻煩都係唔好喇...

啲人開始走...

四點半就要還板同鞋...啲板堆滿個走廊...

慢慢磨下磨下,順便烘乾埋對襪...之後喺餐廳度坐下,去買下手信...五點七就有人叫點名,通知大家要上邊架巴士.跟住就走上巴士坐,六點一開車~

停第一站時就走咗落車買包,又買咗手信.瞓下醒下,十點鍾到新宿...真係攰到散,暈到嘔~下次唔知又會幾時再去滑雪呢?