之前傻馬已經好想去試下o既定價居酒屋...所謂o既定價即係餐牌上所有食物同飲品都一律係同一個價錢,通常都係二百幾円.由於日本經濟一直都好低迷,居酒屋為咗吸引多啲客人,紛紛推出價餐牌.大型連鎖居酒屋旗下唔係每一間都變成定價,只會喺特定地點將一兩間變成定價.所以喺新宿池袋渋谷呢啲旺區通常都會有.
今次揀咗呢間...
居酒屋裡面燈光都算暗...
周圍都掛滿呢類畫...
想點嘢食唔需要叫侍應,每張枱都會有部機可以自己點.餐牌仲有日中英韓四種語言,唔怕睇唔明唔識叫嘢食.
再唔係,睇相囉...都幾方便.而餐廳方面又唔使嘥人力係落單度,員工只需負責送餐同執枱.客人亦唔需要等侍應,幾時想落單完全可以自己控制.呢個方式幾好.
一坐低就自動會有盤枝豆上枱,照人頭計,一人二百七十円另加稅.右邊係柚子酢三文魚腩,幾好味~
玉子燒係返叮o既,味道一般.右邊嗰個係煎雞塊,幾好味.
例牌炸雞,但好軟感覺好膩...
煎餃子,一般.
雞髀肉串,幾好味但有啲燒得太乾.一時會錯意,以為係逐串叫...結果叫咗兩碟六串,太多差啲食唔晒.
點到成枱都係食物,一睇就知唔係日本人.日本人去居酒屋多數都係飲酒多,食物只係要o黎配酒同過口癮.兩條傻友將居酒變飯堂,都幾搞笑...兩條傻友食到好鬼飽,埋單三千四百円...太飽,要去行下街消化下至得...
沒有留言:
發佈留言