西伊豆溫泉之旅(一)修褝寺

年尾唔"出油",年頭見有三連休,即刻安排下.又係用咗三日時間去訂酒店同買電車飛...真係人都癲!行程?!!唔關傻魚事,傻魚只係負責訂嘢同買嘢.
今朝神咁早六點幾起身,梳洗完食少少早餐就趕住出門口追電車.一大早追車,跑到傻魚面都青埋...好在都趕得切.喺新宿轉第一班小田急浪漫號,去到沼津九點半.轉電車去...

三島駅...

好鍾意日本啲郵箱頂...再轉伊豆箱根鉄道...

沿途風景~去到尾站修褝寺駅,再轉巴士去修褝寺溫泉...去到暈到爆...

第一個景點...

日枝神社...鳥居下面個"球"好大...

喺神社裡面應該冇衰嘢...唔理係乜,行咗先...原來係子宝之杉,求子之人一定要去行一轉.

日枝神社好似喺好多地方都有...

下一站...今日O既重頭景點.

果然係當地o既名勝.

大鍾...

洗凈身心入去參拜...

噢...有追悼會...

見到喇...修褝寺~

側邊有嚿石雕好可愛...唔知會唔會有啲手痕友走去"點睛"呢?

好有氣派...

氧化咗o既燈塔...

睇真啲,上面係龍下面係鳳...

孝心...

行出個寺對面見到河中有個亭仔...乜o黎o既呢?唔理住,返轉頭再探討...

好肚餓好暈,要去醫肚先...

好難得搵到一間餐廳...

家庭式經營,細細間...

仲有今朝新鮮採摘o既蔬菜...

餐具都幾別緻...

傻魚叫咗個豚角煮飯.個汁甜咗啲,但都好味~

傻馬叫咗個芝士薄餅.食飽,即刻"返生"...

斜路...

樓梯...見到都怕怕...

頂部好多貼紙...

行行下買咗少少嘢,個阿伯好好人叫傻魚同傻馬過對面o黎呢個屋仔睇下...

真係冇介紹錯,靚景~

竹林小徑...

好高呀~

嘻~又影到喇~

咁啱冇人...

如果有雪一定仲靚~

經過影一影...

傻馬好鍾意呢啲舊街...

呢條河有好多條紅橋...

咦?!!乜嚿大石喺呢邊呀...

唔緊要,行返轉頭都係一樣啫...

仲有少少乾紅葉喺啲樹幹上...

今日太好天,但氣溫唔高...

又一條紅橋...

望返去竹林嗰邊...

呢邊望過去好似靚啲...心理作用?

鏡頭唔夠闊添...

地上仲見到好多紅葉...

傻魚已經行咗三條紅橋...條河啲景好靚...春秋應該再o黎...

正話就係喺對面個屋仔影靚景...

未開o既桜花樹...

又返到起點喇...

有個足湯,行到攰攰地可以浸下腳...

呢個都係足湯o黎o架...

手信店門口個新年裝飾.夠鍾去搭巴士返駅,再搭另一架巴士去酒店...由於傻馬冇印到酒店個地圖,又冇電話地址...唔知點去,唯有周圍問人.好在巴士站啲人幫手搵到喺邊個巴士站落車,如果唔係都唔知點算...

酒店好近巴士站,行幾步過條馬路就到.一落巴士就見到有個阿叔沖埋o黎問住邊間酒店.見傻魚話係住隔離就叫另一位阿叔過o黎.第二位阿叔即刻沖過o黎搶住幫傻魚攞行李,仲搶埋傻魚個背包.去到酒店門口由第三個阿叔接手,入到去有另一個阿姐走埋o黎招呼兩條傻友坐低;然後幫傻魚辦入住手續,再解釋幾點食晚餐,聽朝幾點喺邊食早餐,大浴場點去,開到幾點等.之後由另一位年輕妹妹帶兩條傻友上房,再解釋一次晚餐時間同早餐時間.好好招呼呀!!!

間房好大下...

海景房o黎o架...

可以睇到夕陽絕景...不過仲有一個景點要去,睇唔到太陽落山...

就喺正酒店對面,超近.六百円一位,仲有位導遊伯伯一邊帶領一邊講解.

沿途有好多呢類箱仔介紹當時o既情形.伯伯話呢帶以前係種柑橘類,可惜被海嘯吞噬晒.之後地面多處冒蒸氣,有人(伯伯講得太快,好多都聽唔切)發現呢啲係鉱脈走去發掘.結果掘到金同銀.

當時鉱場裡面好大煙,可以見到以前啲人點樣喺地底換氣o既智慧.兩邊石壁都係一凹一平,係以前啲人發現咁樣可以換氣.另外仲有好多天囪位將出面o既新鮮空氣引入地低再將地底啲煙同悶氣抽出去.而通道頂上啲石都係凹凹凸凸,係要o黎吸音.鉱場裡面回音好強,冇吸音一定會耳聾.

呢條鉱脈啲石裡面含銀多過金,後面牆上中間嗰條就係鉱脈,前面嚿大石就係鉱石.廿分鍾就睇完.傻馬仲想慢慢影相,可惜伯伯唔等人,而傻馬又驚自己一條友留喺裡面...

出到o黎行去海邊...太陽已經落咗山嚕...

凈返一點點橙色,當係安慰下兩條傻友...

去到另一邊有個公園仔,裡面有個全世界最大o既鍾.鏡頭唔夠闊,只能影到咁多...

好凍呀!行返轉頭先...

返酒店前去咗便利店買薯片同麵包做聽日o既"緊急糧食"...返到酒店房仲未夠鍾食晚餐,傻魚乍乍林去沖個靚涼先...

六點三準時有人入o黎"擺陣"...好豐富o既一餐...

有伊豆o既長足蝦刺身同其他當造魚刺身...

燒栄螺...畀咗傻馬食...

左邊嗰嚿四方嘢係個陷阱...擺入口一咬...噢~蟹!!!結果成晚個身都好痕...

個沙律醬啲芥末好在唔係好濃...

圓o既係蟹球天麩羅,傻魚冇食畀咗傻馬食.長o既係雞泡魚天麩羅,好味!

個蒸蛋裡面有真鯛魚,好好味~

呢個鍋物都好味.

呢碗麵豉湯,又係冇傻魚份...呢餐都好滿足...食飽休息咗一陣,傻馬就落四樓大浴場浸溫泉.傻魚?留喺房睇電視囉...
今晚間酒店包早同晚餐,兩個人加埋入浴料(註1),三萬一千八百円.唔平...而貸しきり露天風呂(註2)要另外收一千五十円,仲要話係做緊特價...少少搶錢.
註1:喺日本,所有溫泉酒店都會另外徵收一人一百五十円o既入浴料.就算冇去浸都會收,所以有理冇理狂浸就啱喇...
註2:有好多溫泉酒店都會開放其中一間露天風呂畀每間房o既住客免費浸半個鍾,所以有好多情侶都會喺入住時訂定一個時間同愛人一齊共享呢個美好時刻.通常都係預約制,先到先得.有少部份酒店會不限時間同次數.訂溫泉酒店時可以先確定該酒店有冇呢類露天風呂,有o既就唔使同其他唔識o既人喺大浴場肉帛相見喇.