自助式,其中一部份...都算多種類可以揀...
仲有廚師即場煮奄列.
傻魚個早餐,有粥食好開心~右上角個碗仔裡面係溫泉蛋.
傻馬傻傻地,拎咁多"橡筋"同菠蘿...食飽返房執埋啲嘢,然後退房.擺低啲行李喺酒店,出發~
離酒店三分鍾o既另一個金礦.
去睇下有冇金執先...
入場費...唔記得幾錢...只記得要幾百円一位.
入去喇~
要行一段仔路...
冇時間停低細讀...
仲未到...
池中人像唔知係真金定假金呢...
終於見到個入口...
又係有時間睇,影低算...
啲"人仔"會郁o架~
運金船...
好暗...
啲燈仔好靚~
呢個金鳥居貼滿金箔...
用人形示範...
唔留心睇仲以為係真人...
幾可亂真...
有偷窺狂呀!!!礦坑裡面竟然有風呂...
唔記得呢位喺度做乜添...
裡面連神明都有...
聽下有個傻婆講乜...
掘礦石...
原來係咁樣運送啲木材入去o架...
水桶...
睇完金銀礦,去睇資料館...
真o既...好大嚿...
以前啲金幣...有字嗰啲大金牌唔係貨幣o黎o架...細嗰啲先至可以要o黎買嘢.
好仔細o既模型...
用o黎裝金幣o既錢箱,好重!
用o黎運金o既貨船...
錢箱.
銅錢.
金光閃閃o既礦石唔係金,會閃o既係鐵o黎...
水晶原石...
呢嚿粉紅色石好靚...
原來金箔係咁樣打出o黎o架?
傻魚單手係完全拎唔起嚿金...
呢嚿仲勁!
世界上應該冇乜幾個買得起...
透過放大鏡可以見到礦石裡面o既金沙...
金o既含量少過銀好多...
嘩~差十二倍...
咦?加拿大金?
咁重都係得兩個人咋?
可以畀錢入去體驗下掏金沙.冇時間,冇入去.
仲以為係啲乜零食...睇完返酒店拎返件行李,搭巴士去...
松崎...
去睇呢啲屋...擺低一百円畀巴士站個櫃台姐姐幫手保管件行李,然後出發~
沿河好多桜花樹,春天一定好靚~
到喇...
個鍾樓好得意...
擺個耳仔喺個洞度,真係聽到好好聽o既水滴聲.
過橋去另一邊...
對面望過去座鍾樓係咁o既...
觀光協會,可以入去攞資料...
第二個景點...
以前伊豆o既松崎都係用呢啲牆起屋,可以保溫,防濕,防蟲,仲可以預防火災同小偷.勁!!!
好有歷史氣息...墓地,所以冇行入去.
呢度可以入去睇睇...
吓?有精靈o既森林?
周圍都有好多木雕...
呢度有兩棵親子銀杏樹,秋天一定好正.
唔見有人喺度做木雕...
但真係好多木雕品...
另一個鳥居...
好細o既橋仔,兩步就過完...
經過有入去...
點睇都唔似公廁...
今日太大風太凍,入去暖下順便睇下有乜買.嬸嬸好好人請兩條傻友飲熱茶.
繼續行...
好似仲有人住咁...
好舊但好乾淨.
唔留心都見唔到...
仲有人住緊...
唔怪之得咁大風喇...吹到啲頭髮亂到打晒結...
行小路...
好...行返巴士站...
嘩~仲有冇用緊o架?千瘡百孔喎...
裡面仲有部舊車...拎返件行李又搭巴士...
五分鍾就到...
天陰陰...
超大浪...
冇得搭...
有一個鍾,諗住入去睇睇.可惜原來裡面都幾大,應該唔夠時間...去隔離舖頭睇下算喇...
咦?!!可以去睇下喎...
好靚呀!!!可惜留唔到咁晏,睇唔到添...
好!去睇浪~
有幾大浪?
睇下未知囉...
太大風喇~
好恐怖~
溫馨提示,睇之前請將音量收細...因為啲風真係好刺耳...
長年風吹雨打後啲石崖...
夕陽,未到...吹到個人傻傻哋,太凍喇...又夠鍾去搭巴士返土肥溫泉...
再轉另一架巴士...
全巴士得兩條傻友,巴士司機好好人,事先通知邊個位有靚景.沿途睇住個夕陽...好靚呀~坐到去尾站,戶田.原本係要再轉另一架巴士至可以到酒店,但要等個幾鍾至有車.傻馬落巴士前問司機哥哥幾點有車,點知司機哥哥話冇車喎...吓?咁...傻魚話搭的士,傻魚畀錢.不過成條街一架的士都冇.咁啱畀傻魚見到有間觀光案內所,走咗入去問.真係不問由自可...觀光案內所一聽傻魚要去間酒店個名就話可以叫酒店派車o黎接,仲即刻打去酒店叫酒店派車o黎接兩條傻友...早知可以咁就唔使愁咗成日喇...
去到酒店仲即刻有杯抺茶飲.呢間酒店啲服務仲好過尋日嗰間.
咦?!!
好得意呀!!!
全部都係用高足蟹o既蟹蓋畫o架!!!
每間房門口都有住客個名.
都幾大下...呢間房,冇景...
六點三落去飯堂食晚餐...
沙律,好味~
右邊係鍋物啲料...
左邊嗰碗係金目鯛...
呢條船正呀...
好豐富呀!!!
呢兩條就係高足蟹腳喇...咁就要三千幾円.傻馬一路食一路話貴...人哋成隻賣要萬五円,係咁上下喇...個碟仔係蟹膏,傻馬話勁好味!
呢碗真鯛麵豉湯好鮮甜~
飯後甜品,布甸~
傻馬食飽冇嘢做,整咗座"鏡餅"...
返房休息一陣,又落返一樓睇下個家庭露天風呂有冇人用.呢間酒店有間家庭露天風呂,畀啲人可以一家大細一齊浸.情侶都可以用,咁就唔使分開浸喇.唔限時間唔限次數,冇人用時就可以隨便用.咁啱冇人...
先沖乾淨個身...
唔係好大但係都好舒服.傻魚浸咗五分鍾都冇就頂唔順返入去等傻馬.可能暗,膽小又怕鬼o既傻馬好快又走埋入o黎...
聽朝酒店會畀一個高足蟹蓋傻馬,傻馬話要問人哋畀多個喎...要多個做乜?!!
沒有留言:
發佈留言