曬

今日真係曬到暈.約咗肥仔朋友去原宿食蛋包飯,然後去行裏原宿.熱辣辣行出街,逛咗兩個幾鍾...之後返新宿會合網友甲君食下午茶...咁食法,點會瘦呀...唉~三條友傾到不知時日,話咁快又五點幾.突然醒起六點鍾要返到傻家等人送嘢o黎...乍乍林埋單走人,同網友甲君去超市買啲肉,然後飛返傻家...好在宅急便仲未到...煲埋煲湯,電話就到,即刻落樓收貨...原來係代蝸牛朋友買o既嘢.晚餐懶懶地,求其一鑊熟就算...

一時唔記得黃金周要出游,仲走去買咁多肉喎...作死囉...點算呀?唯有狂食囉...真係捉蟲喇今次...

行街

今朝一出門口...

見到屋主隻黑貓...

喺人哋門口曬太陽...同隻黑貓玩咗一陣就起程去池袋.原本約咗肥仔朋友,後來收到電話,肥仔朋友有啲事要做出唔到街...冇所謂喇...去到池袋轉西武池袋線...

去到武藏藤沢搭無料接駁巴士...

因為係紅日o既關係,好多人揸車o黎.所以塞咗四十分鍾至到達目的地.夠鍾要醫肚...

但係周圍啲餐廳都排晒長龍...唔想同人迫,走咗去便利店...

便利店都打晒蛇餅...買咗兩個便當,搵個位坐低,九秒九消滅咗佢,然後開始逛...

名牌袋店為咗讓客人可以買得舒服,所以店內限制人流,門口出現人龍...

漢堡包舖條龍未短過...

周圍都係人,下次都係唔好喺紅日去啲咁o既地方...周圍睇下買下,行到六點鍾走去買杯嘢飲休息下,然後去排隊搭免費接駁巴士去電車站.返到池袋七點九,行下食品街睇下有乜平嘢執,之後就搭電車返傻家.兩條友都散晒...傻馬話不如出街求其食啲嘢唔使煮.但係傻魚之前買落啲雞肉再唔食o既話就要益隻死垃圾桶...好攰唔想搞咁多嘢,求其整咗...

雜菜番茄湯意粉.可能真係攰得滯,搞成個鍾至有得食...今日真係攰到食緊嘢都可以瞓得著...唔係講笑...

晴天

尋晚因為好早食晚餐,所以傻馬九點幾嗌肚餓...見雪櫃啲皮蛋擺咗咁耐...

煲咗煲皮蛋瘦肉粥.尋晚食咗一半,今朝做早餐...傻魚習慣一瞓醒就會睇電視,最主要係睇下當日o既天氣.天文台預測o黎緊呢個星期都會天晴,陽光普照,氣溫仲會上升到廿幾度.黃金周冇雨係喜訊!不過對於傻魚o黎講就唔多好喇...傻魚見光死,有排頭痛喇...唉~
正話執廚房嗰陣見到有罐螺片罐頭凹咗...

乍乍林整鬼咗佢先...新薯冇乜薯仔味,下次都係炒"老薯"好啲...聽日係紅日,傻馬唔使返工.諗住搵埋肥仔朋友去行街...呵呵~

睇車

今日好鬼眼瞓...因為傻馬尋日要返工,驚起唔到身所以前晚冇瞓.傻馬自己冇得瞓,所以唔畀傻魚瞓...變態o架!!!尋晚瞓咗四個幾鍾,今朝傻馬整醒傻魚話要帶傻魚去睇車...求其喺便利店買咗個包同茶,匆匆忙忙搭電車去台場.會場係露天停車場,入場費一千円一位.

小魔鬼~

復古車?

好"金"...

黑洞?

好舊...

副計好型...

彈起~

嘩~好長呀~

好得意...

貼地喎...

好鬼嘈o既一架車...

鐵鏈做軚盤...咁都得?!!

飛鳥...

會唔會噴火o架?

唔係呢個年代o既車...

好好笑容喎~

坐呢架車要帶防毒面具?

幾型下...

車尾搞成咁,行李擺邊呀?

好似識飛咁...

冇水,落大雨點算?

好多"牙"...

好復古...

帶眼鏡...

好可愛呀!

好"火"...

嘩~毛毛呀!!!

卡通...

好型,攞過好多奬...

淨睇前面係唔會知呢架原來係貨車...

好大個轆...

普通...

收埋啲燈...

車尾好型呀!!!

做乜鬼擺個頭喺度呀?

得意貨車...

外星人?

舊車...

反光添...

好多熊仔...

跑車...

好惡呀~

爛車一架...攞奬o架...

好紅...

丟支煙頭落去會唔會爆炸o架?

大鼻~

兩個光圈...

側鏡係十字型...

迷彩呀!!!

史迪仔一號...

史迪仔二號~

好賤...

車門好"巴士"...

加菲貓都o黎埋...

好嬲咁喎...

啲軨好靚~

攞奬喎...

使唔使搞到咁"高"呀...

異形呀!!!

喇叭燈?!!

靚女...

可樂貨車尾有木凳...
個展三點就收檔,跟住傻馬同傻魚喺個出口度目送啲車走...跟住食咗少少嘢,然後返新宿交啲嘢畀網友.傾咗幾句,之後就同傻馬去買啲嘢同埋幫關生搵超合金模型.見有啲肚餓,走咗去食回転寿司,食完行返傻家...咁就一日喇...
後記: 上載相搞咗好耐,揀相揀到頭暈...