情緒高昂@天狗

今朝冇出街,留喺傻家執屋,之後等埋傻馬收工返o黎一齊驅車去新宿.約咗網友甲君同肥仔朋友去居酒屋飲酒.今次揀咗天狗.一坐低就一人一杯生啤...除咗傻馬...嗌咗杯草莓奶...問肥仔朋友想食乜,例牌都係嗰句...是旦喇...結果就由傻魚發牌...

呢個沙律好味.啲白飯魚仔好脆~

だし巻きたまご...好味~係肥仔朋友指明要食...

刺身一般...份量少咗啲...

炸雞軟骨一般...

炸魷魚鬚...唔錯...

串燒雞翼好味~

えびマヨ一般...

串燒牛肉...傻馬同肥仔朋友都話好好味!

炸雞扒個汁好味~

串燒豬肉露荀卷好好味!

炸芝心豬肉片...啲芝士係流出o黎o架...唔錯...

穴子寿司,好味...不過個個都好飽,結果係傻馬掃枱...話時話,都食咗好多嘢喎...無計喇...傻魚驚肥仔朋友食唔飽,咪搏命嗌囉...

食到尾聲網友甲君同肥仔朋友講一定要試下個生酒.所以就叫咗一杯三份飲...哈...臨散會之前仲諗住走多場...唱歌仔?不過傻魚考慮到肥仔朋友仲有成個月至返香港,驚肥仔朋友唔夠錢使,所以就宣佈解散喇...今晚個個啲情緒都好"高",飲得好開心~好期待富士急之旅...