再戰新紀錄

由於星期日晚部腦畀傻馬鏟完再裝過,星期一成日都喺度裝返啲野同上載相上o黎.搞咗兩日終於報告完上周末兩日一夜遊.前日收到一位朋友o既電話,佢到咗東京想約傻魚食飯.原本諗住尋日同佢食晏,今日約久違了的網友們去食晏...點知尋日傻馬無啦啦請半日假考試,考完之後嗰半日唔使返工喎...咁都得?!!傻馬話想去水族館,所以就推咗朋友,改約今日食晏...咦?!!今日...約咗網友喎...一時唔記得咗添...真係唔好意思呀!呢排好多事,搞到個人好亂...尋日,結果冇去到水族館,走咗去秋葉原...行餐懞...跟住...

五點鍾返新宿時代廣場再戰寿司放題!

手卷啲飯好多,結果今次凈係叫咗五件之後就冇再叫喇...

一o黎就叫晒最想食嗰啲...

再o黎多轉...

食完呢轉,傻魚已經投降.傻馬話仲食得落...勁!

叫多轉傻馬自己一條友食晒...結果咪好辛苦咁攬住個肚走囉...今次食咗七十五件,多過上次.當然,傻魚只係食咗三份一...已經係狂食o架喇...相信呢餐之後短期內傻馬都唔會再食寿司...
同場加映:

星期一個晚餐...

今晚餐飯仔...